როგორც კი 18 წლის გახდა და დონორობისთვის აუცილებელ ასაკს მიაღწია, ჰარისონის „წითელი ჯვრის“ სისხლის ჩაბარების პუნქტში მივიდა. სწორედ მაშინ გაირკვა, რომ მისმა ორგანიზმმა განსაკუთრებული ანტისხეულებით გამდიდრებული, უნიკალური სისხლი გამოიმუშავა.
ცნობისთვის, სწორედ ეს ანტისხეულები ეხმარება ფეხმძიმე დედას ნაყოფთან შექმნილი რეზუსკონფლიქტის თავიდან აცილებაში. ანტისხეულების გარეშე, რეზუსკონფლიქტი უკეთეს შემთხვევაში - ანემიით და ჩვილის სიყვითლით, ხოლო უარეს შემთხვევაში ჩვილის გარდაცვალებით მთავრდება.
როდესაც ჯეიმსს თავისი სისხლის თავისებურება გააცნეს, მან მხოლოდ ერთი კითხვა დასვა - რამდენად ხშირად შეიძლებოდა სისხლის ჩაბარება.
მას შემდეგ 60 წელზე მეტი დრო გავიდა. მთელი ამ ხნის განმავლობაში ჰარისონი სამ კვირაში ერთხელ, თავის საცხოვრებელ სახლთან ახლოს მდებარე სამედიცინო პუნქტში მიდის და 400 მილილიტრ სისხლს აბარებს.
რთული გამოსაანგარიშებელი არ არის, რომ ამ დროისთვის, მას 400 ლიტრამდე სისხლი აქვს ჩაბარებული.
ჯეიმსის სისხლში შემავალი ანტისხეულების წყალობით, ორ მილიონზე მეტმა ფეხმძიმე ქალმა (მათ შორის, თავად ჰარისონის ცოლმა) შეძლო, რეზუსკონფლიქტი თავიდან აეცილებინა. ორი მილიონი ქალი და ამდენივე ახალშობილი (თუ მეტი არა) ცოცხალი და ჯანმრთელი სწორედ კეთილი ავსტრალიელი მოხუცის წყალობით არის.
იცით თუ არა, რომ...