შრეკი ჩვეულებრივი, სხვებისგან არაფრით გამორჩეული ცხვარი იყო, სანამ ერთ მშვენიერ დღეს ფარაში ყოფნა არ მობეზრდა და თავისუფლების საძებნელად, ტყეში გაიქცა.
6 წლის განმავლობაში შრეკი ტყეებსა და მთებში დახეტიალობდა და ადამიანებს ემალებოდა.
ვინ იცის, კიდევ რამდენ ხანს გაგრძელდებოდა ასე, მგლების ხროვას რომ მთებიდან ბარში არ ჩამოედენა.
მტაცებელი ცხოველებისთვის მეტისმეტად ძნელი ასატანი აღმოჩნდა თვალწინ თავისუფლად მოსეირნე ცხვარი, რომელსაც ვერაფერს აკლებდნენ - წლების განმავლობაში შრეკის ბეწვი ისე გაიზარდა, რომ მტაცებლის კბილებისთვის შეუღწევადი გახდა.
გაკრეჭის შემდეგ, ცხვრის სხეულს 27 კგ. მატყლი მოაცილეს.
შრეკი ახალი ზელანდიის ეროვნული თილისმა გახდა.
2004 წელს ის ქვეყნის პრემიერ-მინისტრს ჰელენ კლარკს „გააცნეს“.
2011 წელს, უკვე საკმაოდ ასაკოვანი შრეკი, ვეტერინარის რეკომენდაციით, ევთანაზიით დააძინეს.