მკვლევარებმა დაადგინეს, რომ ქოქოსის კაკლის ნაჭუჭისგან ადვილად შესაძლებელია სეისმოგამძლე შენობების აგება, რომელიც ნებისმიერი სიმძლავრის მიწისძვრას გაუძლებს.
საქმე ის გახლავთ, რომ ქოქოსის კაკლის ნაჭუჭი სამი ფენისგან შედგება.
ნაჭუჭის გარეთა ფენას (ყავისფერი, ტყავისმაგვარი წარმონაქმნი) ეგზოკარპი ეწოდება, შუა, ბოჭკოვან ნივთიერებას - ეზოკარპი და ყველაზე მყარ შიდა ფენას - ენდოკარპი.
ქოქოსის ნაჭუჭის გასაოცარი სიმყარე სწორედ ენდოკარპის დამსახურებაა.
ვისაც ოდესმე ქოქოსის კაკლის გატეხა უცდია, იცის, ეს რას ნიშნავს.
ენდოკარპის განსაკუთრებული სიმყარე რამდენიმე ფაქტორითაა განპირობებული:
1. მისი ყოველი უჯრედი დაფარულია უმყარესი ბიოპოლიმერული ლიგნინის „ჯავშნით“;
2. ენდოკარპი ამაგრებს ბოჭკოვან ქსელს, რომელიც მის ზედაპირს ფარავს
3. მას გამუდმებით მიეწოდება მკვებავი ნივთიერებები.
ქოქოსის კაკლის შიდა, ყველაზე მყარი ფენის სტრუქტურა ბზარების გაჩენის ენერგიას ფანტავს და იცავს ნაჭუჭს დაზიანებისგან. სწორედ ნაჭუჭის ამ უნიკალურმა თვისებამ დააინტერესა მშენებლები.
როგორც გამოკვლევის ერთ-ერთმა ავტორმა სტეფანი შმიერმა აღნიშნა, მისი და მისი კოლეგების აღმოჩენა არქიტექტორებს სეისმურად აქტიურ რეგიონებში მყარი შენობების აგებაში დაეხმარება. თუ შენობის კედლებში ენდოკარპის მსგავს ხელოვნურ სტრუქტურას ჩავაშენებთ, შენობა ნებისმიერი სიმძლავრის მიწისძვრას გაუძლებს და არ დაიშლება, - განაცხადა მეცნიერმა.