დედამიწის რომელ ნაწილში ცხოვრობენ ყველაზე კეთილი ადამიანები?

იცით თუ არა...

2 აპრილი 15:00
260

ამის გასარკვევად საერთაშორისო ორგანიზაცია Charities Aid Foundation-მა სპეციალური გამოკვლევა ჩაატარა.

კვლევის მიმდინარეობისას სოციალური მუშაკები ქუჩაში შემთხვევითი შერჩევის პრინციპით შემხვედრ ადამიანებს სამ კითხვას უსვამდნენ:
1. ბოლო ერთი თვის განმავლობაში გადაგირიცხავთ თუ არა თანხა საქველმოქმედო მიზნებისთვის?
2. ბოლო ერთი თვის განმავლობაში მიგიღიათ თუ არა მონაწილეობა რომელიმე საქველმოქმედო ორგანიზაციის მუშაობაში?
3.ბოლო ერთი თვის განმავლობაში, დახმარებიხართ თუ არა უცნობ ადამიანს, რომელიც დახმარებას საჭიროებდა?


გამოკითხვის შედეგების შეჯამების შედეგად, აღმოჩნდა, რომ სხვისი ტკივილის მიმართ ყველაზე მეტ თანაგრძნობას ამერიკის შეერთებულ შტატებში გამოხატავენ.
რეიტინგის შემდეგ ადგილებზე არიან კანადა, მაიამი, ახალი ზელანდია, ავსტრალია, ირლანდია, დიდი ბრიტანეთი, ნიდერლანდები, ყატარი და შრი-ლანკა.


ბოლო თვის განმავლობაში უცნობ ადამიანს ამერიკის მოსახლეობის 77% დაეხმარა, 62%-მა ფული საქველმოქმედო მიზნებისთვის გადარიცხა, 45%-მა კი დრო დაუთმო ადამიანებს, რომლებიც დახმარებას საჭიროებენ.


რუსეთში, რომელმაც რეიტინგში 135-დან 123-ე ადგილი დაიკავა, უცნობ ადამიანს მოსახლეობის 33% დაეხმარა, 7%-მა საკუთარი ფული საქველმოქმედო ორგანიზაციებს გადაურიცხა და 17%-მა თავისი დრო დაუთმო ადამიანებს, რომლებიც დახმარებას საჭიროებენ.


სიკეთე რომ მხოლოდ კეთილდღეობაზე არ არის დამოკიდებული, იმითაც დასტურდება, რომ „სიკეთის რეიტინგში“ რუსეთს ისეთი ქვეყნებიც კი უსწრებენ, როგორებიც ეთიოპია და ბურკინა ფასოა.
ყველაზე ღატაკმა ნიგერიამ და სომალიმ კი „სიკეთის რეიტინგის“ მე-20 და 26-ე ადგილები დაიკავეს.