ნიკ მიდმა ტანკი რამდენიმე წლის წინათ, EBAY-ს აუქციონზე 37 000 დოლარად შეიძინა და საფუძვლიანად დაათვალიერა. კოლექციონერი აღმოჩენით იმდენად გაკვირვებული დარჩა, რომ მაშინვე პოლიციელები გამოიძახა, რომლებმაც მიდს ოქროს ზოდები ჩამოართვეს და შესაბამისი აქტი შეადგინეს, თუმცა ფერმერი მაინც კმაყოფილია, რადგან ტანკი მას დარჩა.
55 წლის ფერმერი ფულს იმით შოულობს, რომ მსურველებს თავისი ფერმის ტერიტორიაზე საბრძოლო ტექნიკით გასეირნების საშუალებას აძლევს.
ამჟამად, მის კოლექციაში 150 ერთეული საბრძოლო ტექნიკაა.
რაც შეეხება მიდის მიერ შეძენილ ტანკს, ის, დაახლოებით, 1959-1968 წლებში საბჭოთა კავშირში დაამზადეს.
მოგვიანებით, საბჭოთა კავშირმა ბაღდადს, დაახლოებით, 300 ერთეული T-54 გაუგზავნა. სავარაუდოდ, ტანკი ერაყის სამხედრო ძალებს ეკუთვნოდა, რომლებიც 1990-91 წლებში სპარსეთის ყურეში, საბრძოლო ოპერაციაში მონაწილეობდნენ. ტანკი კოალიციურ ძალებს ჩაუვარდათ ხელში, რომლებმაც საბრძოლო ალაფი დიდ ბრიტანეთში გაგზავნეს.
სავარაუდოდ, საწვავის ავზში შენახული ოქრო ქუვეითის საცავებიდანაა.