სავარძლის შემქმნელი ინჟინერ-ელექტრიკოსი, დოქტორი ამიტ გოფერი 1997 წელს ავტოკატასტროფაში მოყვა და მძიმე ტრავმები მიიღო. ცხადი იყო, ცხოვრების ინვალიდის სავარძელში გატარება მოუწევდა.
მალე გოფერმა საკუთარ თავზე გამოსცადა, რომ სავარძელში ხანგრძლივად ჯდომა ჯანმრთელობის უამრავ პრობლემას იწვევს და გამოსავლის ძიებაში ინვალიდის ვერტიკალური სავარძლის შექმნის იდეაც გაუჩნდა.
„ჩემი გამოგონება ინვალიდებს საშუალებას აძლევს, სავარძლებიდან წამოდგნენ და ფიზიკური და ფსიქოლოგიური მდგომარეობა გაიუმჯობესონ. ეს უბრალო მოწყობილობა არ გახლავთ, რადგან ადამიანების ღირსებისა და სრულფასოვნების განცდასთან არის კავშირში“, - ამბობს გოფერი.
პარალიჩით, გაფანტული სკლეროზით დაავადებული და ტვინის დაზიანებების მქონე პაციენტებისთვის UPnRIDE ნამდვილი საჩუქარია.
მის სამართავად მხოლოდ ღილაკზე თითის დაჭერაა საჭირო. დახრილ ტროტუარებსა და პანდუსებზე მანევრირებისას სავარძლის წაქცევის საფრთხე მინიმუმამდეა შემცირებული.
მოწყობილობის უნიკალურობა ის არის, რომ გარანტირებულია გადაადგილების უსაფრთხოება როგორც ღია სივრცეებში, ასევე შენობაში.
სპეციალისტების აზრით, UPnRIDE ინვალიდების სავარძლების წარმოებაში ნამდვილ რევოლუციას მოახდენს.