იერუსალიმის უხუცესი მცხოვრები რაშელ კრიშევსკი 99 წლის ასაკში გარდაიცვალა.
რაშელი 19 წლის ასაკში გათხოვდა. მას შვიდი ვაჟი და ოთხი ქალიშვილი შეეძინა, რომლებმაც რაშელი 150 შვილიშვილით გააბედნიერეს. შვილიშვილებს კი დაახლოებით, 1000-მდე შვილი შეეძინათ..
რაშელ კრიშევსკი მხოლოდ სანიმუშო დედა და ბებია არ ყოფილა, ის სიკეთით სავსე ადამიანი იყო, რომელიც უსახლკარო და უპოვარ ადამიანებზე ზრუნავდა. სახლში იწვევდა, აპურებდა და ხშირად ღამის გასათევადაც ტოვებდა.
რაშელმა ზეპირად იცოდა ფსალმუნების წიგნი და ცდილობდა, არც ერთი ოჯახური დღესასწაული აღნიშვნის გარეშე არ დაეტოვებინა.
რამდენ ადამიანს ითვლის ამჟამად რაშელ კრიშევსკის შთამომავლობა, ზუსტად არავინ იცის, თუმცა ოჯახის გათვლებით, მათი რაოდენობა 1400-ს უნდა აღწევდეს.
