იცით თუ არა, რომ არასწორი აზრია, თითქოს:
1. ნაოჭები მემკვიდრეობითია
ნაოჭების გაჩენას განაპირობებს არა მემკვიდრეობითი ფაქტორი, არამედ ცხოვრების სტილი, საკვები, ეკოლოგია, სტრესი.
2. ცხიმიანი კანი გვიან ნაოჭდება
ამით ნუ დაიწყნარებთ თავს. ელასტინი და კოლაგენი - ეს ორი ჯადოსნური ცილა, რომელიც კანს ლამაზსა და ელასტიკურს ხდის, არაფრით არის დაკავშირებული ცხიმოვანი ჯირკვლების აქტიურობასთან.
3. რაც უფრო ადრე დაიწყებ anti-age საშუალების მოხმარებას, უკეთესია
ესეც არასწორი მოსაზრებაა. სანამ თქვენ კანს არ ექნება ასეთი საშუალებების მოთხოვნილება, მათ შეძენაზე ტყუილად დახარჯავთ ფულს. წარმოიდგინეთ, რომ ორგანიზმი ტკბილს გთხოვთ - მაგალითად, შოკოლადი გინდათ, ამ დროს კი შემწვარ კარტოფილს ჭამთ - ამით სურვილს ხომ ვერ დაიკმაყოფილებთ?
4. როცა სახის კანი კრემს ეჩვევა, მას აღარ აქვს ეფექტი
ამ ჰიპოთეზის დამამტკიცებელ მაგალითს ნამდვილად ვერ იპოვით. სამაგიეროდ ყველა კოსმეტოლოგი აღიარებს, რომ თითოეული ადამიანის კანი ინდივიდუალურ მოვლას საჭიროებს. ამიტომ, თუ თქვენ რომელიმე კონკრეტული კრემი მოგწონთ, ნუ იტყვით მასზე უარს ექსპერიმენტების გამო.
5. რაც უფრო ნაკლებად იცინი, უფრო ცოტა ნაოჭი ჩნდება
ნაოჭების გაჩენას არა მხოლოდ სიცილი, არამედ სახის ნებისმიერი მიმიკა იწვევს. ასე რომ, დაბღვერილი და შუბლშეკრული თუ ივლით, ნაოჭები მაინც არ აგცდებათ და გარშემომყოფებზეც უსიამოვნო შთაბეჭდილებას მოახდენთ.