ანდერძის თანახმად, დორკასმა თავისი უძრავ-მოძრავი ქონება საყვარელ ძაღლს - მაქსიმილიანს დაუტოვა. საბოლოდ, ცუგა 64 მილიონი დოლარის მფლობელი გახდა, ახალგაზრდა ქვრივს კი ცენტიც არ ერგო.
ამის მიუხედავად, 24 წლის მსახიობს უენდი დიტრიხს, რომელმაც დორკასთან ქორწინებაში მხოლოდ ერთი წელი გაატარა, დანებება არ უფიქრია. მან ძაღლისთვის მილიონების წართმევა სასამართლოს გზით სცადა, თუმცა არაფერი გამოუვიდა.
მაშინ „მგლოვიარე ქვრივმა“ ქმრის ფულის ხელში ჩასაგდებად სხვა გზების ძიება დაიწყო და იპოვა. მილიონერის რწმუნებულმა ფილიპ გოლდშტეინმა ქვრივს უამბო, რომ მისმა ქმარმა, რომელიც საოცარი იუმორით გამოირჩეოდა, რამდენიმე წლის წინ თავისი ძაღლის სახელზე საბანკო ანგარიში გახსნა. გადასახადების გადახდის დროს აუცილებელი იყო, რომ ძაღლს, როგორც ამერიკის შეერთებული შტატების სრულუფლებიან მოქალაქეს, ყველა საბუთი ჰქონოდა. დორკასს ბევრი არ უფიქრია და ძაღლს საჭირო საბუთები და სოციალური დაზღვევის ბარათიც კი გაუკეთა.
როგორც კი ეს ამბავი გაიგო, მოხერხებულმა ქვრივმა გადაწყვიტა, საკუთარი ქმრის ძაღლს ცოლად გაჰყოლოდა და მისი მეურვე გამხდარიყო.
დღემდე არავის იცის, ცოლის ძაღლთან დაქორწინება თავიდანვე ხუმარა მილიონერის გეგმის ნაწილი იყო თუ უბრალო იურიდიული „ხვრელი“, რომლითაც ახალგაზრდა ქვრივმა ქმრის მილიონების ხელში ჩაგდება მოახერხა.