პროზექტურის თანამშრომელმა, 48 წლის ჰენრი პოლ ჯონსონმა 16-საათიანი დაძაბული მუშაობის შემდეგ, ცოტა ხნით დასვენება გადაწყვიტა, მიცვალებულებისთვის განკუთვნილ ცარიელ ურიკაზე მოკალათდა და ჩაეძინა. პროზექტურის მეორე თანამშრომელმა, რომელიც სამსახურში ახალი მიღებული გახლდათ, ჩათვალა, რომ მძინარე კოლეგა ავტოსაგზაო შემთხვევის დროს გარდაცვლილი 52 წლის მამაკაცის გვამი იყო და ურიკა, ჯონსონთან ერთად, კრემატორიუმში შეაგორა.
სამწუხაროდ, შეცდომა მხოლოდ მაშინ აღმოაჩინეს, როცა ჰენრი პოლ ჯონსონი 100-გრადუსიანმა ტემპერატურამ ფერფლად აქცია.
კრემატორიუმის თანამშრომლის ჯენა დევისის თქმით, მან გაიგო, რომ კრემაციის სისტემის ჩართვიდან დაახლოებით 15 წამის განმავლობაში ვიღაც ყვიროდა.
„თავიდან ვერ მივხვდით, საიდან მოდიოდა ყვირილის ხმები და როცა მივხვდით, სამწუხაროდ, ძალიან გვიან იყო. ჩვენ სასწრაფოდ გავთიშეთ სისტემა, მაგრამ ჰენრის ადგილზე ფერფლის გროვა დაგვხვდა“, - განაცხადა დევისმა.
ჯენა დევისის თქმით, პროზექტურის ახალ თანამშრომელს, რომელმაც ცოცხალი ადამიანი გარდაცვლილისგან ვერ გაარჩია, დაავიწყდა ენახა, ეკეთა თუ არა „გარდაცვლილს“ ფეხზე სპეციალური ნიშანი, რომლითაც კრემაციაზე შეჰყავთ.