გამოცემა „Sciencealert“-ის ცნობით, ამერიკელმა მეცნიერებმა შექმნეს ვაქცინა, რომელიც ადამიანის ტვინს ჰეროინისა და სინთეტიკური ნარკოტიკების ზემოქმედებისგან იცავს.
საქმე ის გახლავთ, რომ ნარკოტიკზე დამოკიდებულება ოპიატების მცირე მოლეკულების მოქმედების შედეგად წარმოიქმნება, რომლებსაც იმუნური სისტემა თითქმის ვერ აღიქვამს. ამიტომ ადამიანს არ შეუძლია, წინააღმდეგობა გაუწიოს მის მოქმედებას. ორგანიზმის დაცვის გასაძლიერებლად, ამერიკელმა მეცნიერებმა შექმნეს პატარა მოლეკულა, რომლებსაც იმუნოგენურობა არ გააჩნია, მაგრამ მას ცილებთან შეერთების შედეგად იძენს. ადამიანის ორგანიზმში შეჰყავთ ანტიგენი, რომელიც ახალ მოლეკულებს „ასწავლის“ ნარკოტიკული მოლეკულების ამოცნობას და მათი ზემოქმედების განეიტრალებას. პრეპარატი წარმოქმნის ჰემატოენცეფალურ ბარიერს, რომელიც ოპიუმისა და ჰეროინის მოლეკულებს ადამიანის ტვინამდე არ უშვებს.
მეცნიერები იმედოვნებენ, რომ ახალი ვაქცინა მნიშვნელოვნად შეამცირებს ნარკოტიკზე დამოკიდებული ადამიანების რაოდენობასა და ნარკოტიკების ზედოზირებისგან გამოწვეული სიკვდილიანობის რიცხვს.