მსოფლიოში ყველაზე ძვირად ღირებული ჩანთები მე-19 საუკუნის ტექნოლოგიით მზადდება, რაც პროდუქციის სიძვირისა და ელიტარულობის ერთ-ერთი, მაგრამ არა ერთადერთი მიზეზია. louis vuitton-ის ჩანთები ხელით იკერება და ყოველი მათგანისთვის ინდივიდუალური დიზაინი იქმნება. ამ ბრენდის ჩანთებისა და ჩემოდნების საკეტები ისე მზადდება, რომ, პატრონის გარდა, მათი გახსნა ვერავინ მოახერხოს!
მსოფლიოში ცნობილი პოლიტიკოსები, ხელოვნებისა და კულტურის მოღვაწეები ცდილობენ, ელიტურ შეკრებებზე სწორედ ამ ბრენდის ნაწარმით მოიწონონ თავი.
louis vuitton არასოდეს მიდის კომპრომისზე და არასოდეს ყიდის თავის პროდუქციას ფასდაკლებით. ყოველი წლის ბოლოს, ახალი კოლექციის გამოსვლის წინ, კომპანია ძველი კოლექციიდან დარჩენილ, ძვირად ღირებულ ჩანთებს წვავს, რომ მისი ფასდაკლებით შეძენა ვერავინ შეძლოს.
ყველაფრის მიუხედავად, თუ სადმე louis vuitton-ის ჩანთას თვალი მოჰკარით, დიდი ალბათობით, ის პატენტია, რადგან სტატისტიკის თანახმად, მსოფლიოში ყველაზე ხშირად სწორედ louis vuitton-ის პროდუქციას აყალბებენ.