1995 წელს კომპანიის მფლობელმა ლი კუნ ჰიმ ახალი მობილური ტელეფონების ნიმუშები საახალწლო საჩუქრებად ჩამოარიგა, მაგრამ მალევე გაირკვა, რომ მათი უმეტესობა არ მუშაობდა.
ლი კუნ ჰიმ ეს დარტყმა მშვიდად გადაიტანა და „სამსუნგის“ ერთ-ერთ ყველაზე დიდ ქარხანაში გაემგზავრა, რომელიც ქალაქ გუმიში მდებარეობდა.
კუნ ჰიმ ქარხნის 2000 თანამშრომელს ეზოში გამოსვლა სთხოვა, სადაც მისი ბრძანებით უკვე გამოტანილი იყო 50 მილიონი დოლარის ღირებულების მზა პროდუქცია: მობილურები, ფაქსები და ა.შ.
მალე ტექნიკის გროვას ბენზინი გადაასხეს და ქარხნის თანამშრომლების თვალწინ, 50 მილიონი დოლარი დამწვარი პლასტმასის გროვად იქცა.
ამ დღის შემდეგ, ქარხნის დირექტორი პირადად ამოწმებდა პროდუქციის ახალ მოდელებს - მიწაზე აგდებდა, ფანჯრიდან ისროდა და ერთხელ მანქანითაც კი გადაუარა, თუმცა ყველა შემთხვევაში ტელეფონი მუშაობას განაგრძობდა. ასე რომ, ლი კუნ ჰის გაკვეთილს უშედეგოდ არ ჩაუვლია.