სამართალდამცველებმა რუსეთის შინაგან საქმეთა სამინისტროს ეკონომიკური დანაშაულისა და კორუფციის წინააღმდეგ ბრძოლის მთავარი სამმართველოს პოლკოვნიკ დიმიტრი ზახარჩენკოს ბინაში 9 მილიარდი რუსული რუბლი აღმოაჩინეს.
მოგვიანებით გაირკვა, რომ ზახარჩენკომ ლომონოსოვის პროსპექტზე მდებარე ელიტური კომპლექსის „დომინიონის“ 85 მლნ რუბლად ღირებული ოთხოთახიანი ბინა იმისთვის შეიძინა, რომ ფულის საცავად ექცია.
მეზობლების მონაყოლიდან ირკვევა, რომ წელიწად-ნახევრის მანძილზე, ზახარჩენკო და მისი ოჯახის წევრები ახლად შეძენილ ბინაში მხოლოდ რამდენჯერმე მივიდნენ და იქაურობა, პრაქტიკულად, რამდენიმე წუთში დატოვეს.
გამოძიებამ დაადგინა, რომ კომპლექს „დომინიონის“ გარდა, ზახარჩენკოებს ბინები მოსკოვის კიდევ რამდენიმე უბანში აქვთ. სამართალდამცველებმა საფუძვლიანი ჩხრეკა ყველგან ჩაატარეს, თუმცა „დომინიონში“ მდებარე ბინისგან განსხვავებით, საეჭვო ვერაფერი აღმოაჩინეს.
ამჟამად, დიმიტრი ზახარჩენკო დაპატიმრებულია. ფულის საცავად ქცეული ბინა კი - დალუქული.