ძუნწი მილიარდერი, რომელსაც შვილის მკურნალობაში ფული დაენანა

იცით თუ არა...

17 იანვარი 15:00, 2018 წელი

ნავთობის მაგნატი ჟან პოლ გეტი მსოფლიოს ყველაზე მდიდარ ადამიანად ჯერ კიდევ 1957 წელს აღიარეს და ეს ტიტული სიკვდილამდე შეინარჩუნა. თუმცა, მილიარდების გარდა, გეტი თავისი მანიაკალური სიძუნწითაც იყო ცნობილი. ნავთობის მაგნატის სიძუნწეზე ფილმიც გადაიღეს - „მთელი მსოფლიოს ფული“, რომელიც ეკრანებზე 2017 წელს გამოვიდა. 

1966 წელს ნავთობის მაგნატის ქონება 1,2 მლრდ დოლარად შეფასდა, რაც, დღევანდელი მონაცემებით, 9 მილიარდი დოლარის ეკვივალენტია. გეტიმ ეს ფული ნავთობის კომპანია Getty Oil-ის საშუალებით იშოვა, მაგრამ მისი სიძუნწე ყველაზე ახლობელ ადამიანებსაც კი აზარალებდა.
სწორედ მამის სიძუნწე გახდა გეტის მძიმედ დაავადებული შვილის ტიმოტის ტრაგიკული აღსასრულის მიზეზი. მილიარდერს ბიჭუნა მეხუთე და უკანასკნელი ცოლისგან, ტედი ჰადსონისგან შეეძინა.

8 წლის ასაკში ექიმებმა ბიჭუნას თავის ტვინში სიმსივნე აღმოუჩინეს, რაც მხედველობის დაკარგვის მიზეზი გახდა. ტიმოტი 4 წელი იბრძოდა სიცოცხლისთვის და 12 წლის ასაკში გარდაიცვალა. ამ დროის მანძილზე, ნავთობის მაგნატი გამუდმებით შვილის მკურნალობის ხარჯებზე წუწუნებდა, საავადმყოფოში მყოფი შვილი არცერთხელ არ მოუნახულებია და მის გასვენებაშიც კი არ მისულა. თუმცა, ყველაფრის მიუხედავად, ტიმოტი მამას აღმერთებდა...
 
თავის მემუარებში პოლ გეტის მეუღლე ტედი წერდა:
„ტიმოტის მამა უსაზღვროდ უყვარდა და ენატრებოდა. როცა ესმოდა, რომ მამამისი მსოფლიოში უმდიდრესი ადამიანი იყო, ამბობდა: „ეს ისაა, რასაც მსოფლიო ხედავს. მე კი მასში მხოლოდ საყვარელ ადამიანს ვხედავ“. ერთხელ, როცა მის გვერდით ვიჯექი, ტიმოტი ჩაფიქრდა და მკითხა: „როდის დაბრუნდება მამა? გული მწყდება, რომ სხვა, ბავშვების მსგავსად, მამას ვერ ვხედავ. როგორ ფიქრობ, ნამდვილად ვუყვარვარ? ძალიან მინდა მასთან საუბარი“. ტიმოტის არასოდეს არაფრის ყიდვა არ უთხოვია. ერთადერთი, რაც ყველაზე მეტად სურდა, მამასთან კონტაქტი იყო. იმდენად უყვარდა, რომ ვერ ბრაზდებოდა, როცა ის არ ნახულობდა“, - წერდა ტედი.

ოთხი წლის მანძილზე, ტედი ქმარს წერილს წერილზე უგზავნიდა და ემუდარებოდა, მომაკვდავი შვილი მოენახულებინა, მაგრამ უშედეგოდ.
1954 წელს ქალმა გულქვა მილიარდერს უკანასკნელი წერილი მიწერა: „ძალიან ძნელია იმის გაცნობიერება, რომ ჩვენი ბედი, უბრალოდ, არ გაღელვებს“.

ამ დროს პოლ გეტი ინგლისში იყო და საუდის არაბეთსა და ქუვეითთან მოლაპარაკებებს აწარმოებდა. შვილს გამუდმებით ატყუებდა, რომ ინახულებდა, ხოლო ცოლთან ტელეფონზე საუბრისას მკურნალობის ხარჯების გამო წუწუნებდა: „კარგი იქნება, თუ ექიმებთან სიარულისგან თავს შეიკავებთ. მეეჭვება, ამჟამად ექიმებმა ტიმოტის დახმარება შეძლონ“.

შვილის სიკვდილით განადგურებულმა ქალმა გულქვა მილიარდერს ავადმყოფი შვილის მიტოვება არ აპატია და ბიჭუნას სიკვდილის შემდეგ, 1958 წელს სასამართლოში განქორწინებაზე  განცხადება შეიტანა.
„მე მკლავდა იმის გაცნობიერება, რომ პოლმა მომაკვდავი შვილის ნახვა არ ისურვა და მივხვდი, რომ მასთან ცხოვრება აღარ შემეძლო. ტიმოტის სიკვდილის შემდეგ პოლმა მითხრა, არ მიმატოვო და მსოფლიოში უმდიდრეს ქალად გაქცევო, მაგრამ ეს ვერ შევძელი. ჩემთვის ძალიან მტკივნეული იყო მასთან ურთიერთობა“.

მოგვიანებით, ტედი ცოლად თავის მეგობარ უილიამ ჰასტონს გაჰყვა და ქალიშვილი ლუიზა შეეძინა, რომელიც ამჟამად ლოს-ანჯელესში რეჟისორად მუშაობს. ტედი 2017 წლის 8 აპრილს, 103 წლის ასაკში გარდაიცვალა.

წყარო
ამბები

ფსიქოლოგი ნათია ფანჯიკიძე www.responsible.ge-ს კამპანიის შესახებ დეტალურად საუბრობს

„ევროპაბეთის“ მიერ დაფინანსებულმა ფსიქო-სარეაბილიტაციო კურსმა საზოგადოებაში მაღალი ინტერესი გამოიწვია.
დღის ჰოროსკოპი

22 თებერვლის ასტროლოგიური პროგნოზი

რას გვირჩევენ ვარსკვლავები 22 თებერვლისთვის ჯანმრთელობის, ბიზნესის და სიყვარულის მიმართულებით?
ამბები

ნათია ფანჯიკიძე responsible.ge-ს პროექტში ჩაერთო

დღეს  ფსიქო-სოციალური რეაბილიტაციის ცენტრ „კამარასა“ და კომპანია „ევროპაბეთს“ შორის ურთიერთთანამშრომლობის მემორანდუმი გაფორმდა. კომპანია თამაშზე დამოკიდებულ ადამიანებს ფსიქოსარეაბილიტაციო კურსს სრულად დაუფინანსებს.
ამბები

ვაინშტეფანი WEIHENSTEPHAN - მსოფლიოში პირველი და ყველაზე ძველი მონასტრის ლუდსახარში

რუბრიკის წარმდგენია გერმანული ლუდის სახლი „მიუნხენი“.
თემატური ჰოროსკოპი

ზოდიაქოს ეს 4 ნიშანი არასდროს უბრუნდება წარსულს

მათ არ უყვართ ძველი ცხოვრებისა და ძველი იარების გახსენება. განშორების დროს, რაც არ უნდა უჭირდეთ, ღირსეულად უჭირავთ თავი და ფიქრობენ, რომ ცხოვრება ისეთი ხანმოკლეა, არ ღირს წარსულზე დროის ხარჯვა.
ამბები

რა სახის სამუშაოებს უნდა აარიდოს დამსაქმებელმა ორსული, ახალნამშობიარები, მეძუძური ქალი

საქართველოს ჯანდაცვის მინისტრის ბრძანებით განისაზღვრა სამუშაოები, რომლებითაც დამსაქმებელმა ორსული ან ახალნამშობიარები ქალი, ასევე, მეძუძური დედა არ უნდა დაასაქმოს.
სილამაზე/ჯანმრთელობა

ლამაზი ვარცხნილობის გაკეთება 2 წუთში!

ამას ნებისმიერი შეძლებს. საჭიროა მხოლოდ კარგი მაკრატელი, ცოტა წყალი, თმის ფენი და მრგვალი სავარცხელი.
FUN-ტესტი

პიროვნული ტესტი - რა შეცდომას უშვებთ რთულ სიტუაციაში?

აირჩიეთ ერთი ლაბირინთი, რომელიც თქვენში სტრესის ასოციაციას იწვევს. ეს ფსიქოლოგიური ტესტი კარგი საშუალებაა, გაარკვიოთ, რა გეშლებათ რთულ სიტუაციაში, რათა შეცვალოთ თქვენი ქცევა და უფრო სწრაფად მიიღოთ შედეგი. 
ამბები

ნათია ფანჯიკიძე responsible.ge-ს პროექტში ჩაერთო

„ევროპაბეთის“ პასუხისმგებლიანი თამაშის კამპანიაში ფსიქოლოგიურ-სარეაბილიტაციო ცენტრები სრული დატვირთვით მარტის ბოლომდე ჩაერთვებიან - კომპანია თამაშზე დამოკიდებულ ადამიანებს სრულ სარეაბილიტაციო კურსს უფასოდ სთავაზობს.
დღის ჰოროსკოპი

21 თებერვლის ასტროლოგიური პროგნოზი

რას გვირჩევენ ვარსკვლავები 21 თებერვლისთვის  ჯანმრთელობის, ბიზნესის და სიყვარულის მიმართულებით?
მებაღის რჩევები

ნიორი - ოთახის მცენარეების მოსავლელად

ნიორი - ბუნების გულუხვი საჩუქარია, თანა - არა მხოლოდ ადამინი ჯანმრთელობისთვის. შეიძლება უცნაურად მოგეჩვენოთ, მაგრამ ნივრის კბილს და ნივრიან წყალს ჯადოსნური თვისებები აქვს მცენარეებისთვისაც!
დღის ჰოროსკოპი

20 თებერვლის ასტროლოგიური პროგნოზი

რას გვირჩევენ ვარსკვლავები 20 თებერვლისთვის ჯანმრთელობის, ბიზნესის და სიყვარულის მიმართულებით?