უცნაური ამბავი, როგორ იქცა ღარიბი სოფლის ყველა მცხოვრები ერთ დღეში მილიონერად

1949 წელს 32 წლის ანტონიომ მშობლიური ოჯახი დატოვა და უკეთესი ცხოვრების საძებნელად მექსიკაში გაემგზავრა.
წარმატების მაძიებელმა ახალგაზრდამ მალე Grupo Modelo-ს ლუდის ქარხანაში დაიწყო მუშაობა და ოჯახი შექმნა. ქარხანაში ოცწლიანი მუშაობის შემდეგ, ფერნანდესი წარმატებულ მეწარმედ იქცა.
დაუღალავი შრომით მან შეძლო, ქარხნის გენერალური დირექტორის პოსტი დაეკავებინა და ლუდი „Corona“ მსოფლიოში ცნობილ ბრენდად ექცია.
ანტონიო ფერნანდესმა თანამდებობა 2005 წელს დასაწყისში დატოვა, როცა მის ანგარიშზე მილიარდები ირიცხებოდა და თავისი საქმე ძმისშვილს გადააბარა.

ამბობენ, რომ უშვილო მილიარდერი, რომელიც მთელი ცხოვრება ქველმოქმედებას ეწეოდა, სიცოცხლის ბოლომდე ვერ ივიწყებდა მშობლიურ სოფელს - სერესალეს დელ კონდადოს, სადაც მხოლოდ 80 ღარიბი ადამიანი ცხოვრობდა.
ამიტომ არავის გაჰკვირვებია, როცა თითოეულ თანასოფლელს ანდერძით ორი მილიონი ევრო დაუტოვა და სოფელი, რომელშიც მთელი ბავშვობა გაატარა, მილიონერების სოფლად აქცია.

ანტონიო ფერნანდესი 2016 წლის აგვისტოში, 99 წლის ასაკში გარდაიცვალა და ესპანელების ხსოვნაში უანგარო სიკეთისა და კეთილშობილების მაგალითად დარჩა.