სიუ 13 წლის იყო, როცა ნოელის ცოლი გახდა და იმ დღიდან მოყოლებული, ყოველწლიურად, თითო ბავშვს აჩენს.
რედფორდების ოჯახს საკუთარი ბიზნესი აქვს და ფინანსურად უზრუნველყოფილია.
უფროსი შვილი - 26 წლის კრისტოფერი წარმატებული ბიზნესმენია. ახლახან ოჯახმა მე-19 შვილის, ჰოლის დაბადება იზეიმა, სექტემბრისთვის კი ოჯახის ახალ წევრს ელიან.
ამჟამად, სიუსა და ნოელს 10 ვაჟი და 9 გოგონა ჰყავთ. სიუ ხუმრობს, რომ ოჯახის მრავალრიცხოვანი მეგობრების თხოვნას ასრულებს, რომლებმაც შვილების რაოდენობის ოცამდე დამრგვალება ურჩიეს.
19 შვილის გარდა, ცოლ-ქმარს სამი შვილიშვილი ჰყავს.
ბუნებრივია, დიდი ოჯახის ცხოვრებას სირთულეებიც ახლავს. განსაკუთრებით, როცა საქმე მაღაზიაში პროდუქტების შეძენასა და რეცხვას ეხება, თუმცა მთავარია, რომ ობლად გაზრდილი ცოლ-ქმრის ბავშვობის ოცნება ასრულდა და მათ დიდი და ბედნიერი ოჯახი აქვთ.