BBC News-ის ინფორმაციით, არგენტინაში მდებარე ქალაქ პილარის პოლიციის განყოფილებიდან 540 კილოგრამი მარიხუანა გაქრა. ნარკოტიკის გაქრობა ადგილობრივი პოლიციის უფროსმა აღმოაჩინა. ემილიო პორტეროს თქმით, მარიხუანა თაგვებმა შეჭამეს.
პოლიციელების ვერსია ნაკლებად დამაჯერებელი აღმოჩნდა ბუენოს-აირესიდან მოწვეული ექსპერტებისთვის. მათი განმარტებით, თაგვები მარიხუანას არ მიირთმევენ და რომც ეჭამათ, აუცილებლად დაიხოცებოდნენ. საწყობში და მის გარშემო კი მკვდარი თაგვები არ შეუნიშნავს.
როგორც გაირკვა, ბოლო ორი წლის განმავლობაში პილარის პოლიციის განყოფილების საწყობში ექვსი ტონა მარიხუანა ინახებოდა. ამჟამად, სასამართლო მსჯელობს, ნარკოტიკის დაკარგვა პოლიციელების დაუდევრობას უკავშირდება თუ გამიზნულ ქმედებას. რვა პოლიციელი უკვე დაკავებულია და 4 მაისს სასამართლოს წინაშე წარდგება.
სხვათა შორის, 9 აპრილს ნარკოტიკებთან დაკავშირებით, მეორე კურიოზული ფაქტი მოხდა. ამერიკელმა ქალბატონმა მის ჩანთაში კოკაინის არსებობა ძლიერ ქარს დააბრალა, თუმცა პოლიციელებს მისი არგუმენტი არადამაჯერებლად ეჩვენათ.