1. დანა კისერში
ამჟამად ასეთი ტატუ ძალიან გავრცელებულია, წლების წინათ კი მისი ტარება ძალიან საშიში იყო, რადგან ციხეში ჩადენილ მკვლელობას განასახიერებდა.
2. MS13
MS13 აშშ-ში ერთ-ერთ ყველაზე სასტიკ ბანდად ითვლება, ამიტომ უბრალო ადამიანებისთვის ასეთი ტატუს ტარება ძალიან სახიფათოა. ცნობილია, რომ ბანდა თვითმარქვიებს სასტიკად სჯის.
3. ჯადოქრობა, მაგია
ჯადოქრობასა და მაგიასთან დაკავშირებული ტატუ იმის მანიშნებელია, რომ თქვენ წინაშე ნარკოდამოკიდებული ადამიანი დგას, ამიტომ კარგად დაფიქრდით, გჭირდებათ კი ასეთი რეპუტაცია?
4. ცრემლი
ასეთი ტატუსთვის ჩრდილოეთ ამერიკაში ან ავსტრალიაში შეიძლება სასტიკად დაისაჯოთ, რადგან ის ციხეში ან თავისუფლებაზე ყოფნის დროს ჩადენილ მკვლელობას განასახიერებს.
5. მკერდზე ჯვარი
მკერდზე გამოსახული ჯვარი ამ დრომდე კანონიერი ქურდის სიმბოლოდ ითვლება. შესაბამისად, დანარჩენებისთვის ამ სვირინგის ტარება სახიფათოა, რადგან შეიძლება თვითმარქვიად ჩაგვთვალონ და სხეულიდან ძალის გამოყენებით მოგაცილონ.
6. ჯგუფის სიმბოლიკა
ზოგიერთი ადამიანი თავისი კერპის გამო, მზადაა, უგუნური საქციელი ჩაიდინოს. მაგალითად, 30 წლის ჯო სვანტენსონმა მკერდზე საყვარელი ჯგუფის Insane Clown Posse სვირინგი გაიკეთა. ასეთი რამ კი მარგინალურ გარემოში ძალიან სახიფათოა, რაც სვანტენსონმა საკუთარ თავზე გამოსცადა. ქუჩის ბანდიტურმა დაჯგუფებამ მიიჩნია, რომ მამაკაცი ასეთ სვირინგს არ იმსახურებდა. თავდამსხმელებმა სვანტენსონს სასტიკად სცემეს, თავი გაუტეხეს და სხეულიდან ტატუ მოაჭრეს.
7. ბუდა
ერთი შეხედვით, სრულიად უწყინარი სვირინგია, თუმცა, შრი-ლანკას ტერიტორიაზე ის ტურისტისთვის შეიძლება სერიოზულ პრობლემად იქცეს. თავდასხმას თუ გადაურჩით, ქვეყნიდან გამოძევებას თავს ვერ დააღწევთ.
8. ბეჭდები
თითოეული ბეჭედი გარკვეულ პოზიციას განასახიერებს, რომელიც მის მფლობელს კრიმინალურ სამყაროში უკავია. შეიძლება გაუთვითცნობიერებელმა ადამიანმა შემთხვევით არატრადიციულ ორიენტაციაზე მიმანიშნებელი ბეჭედი ამოისვირინგოს ან პირიქით, საკუთარ თავს მეტისმეტად მაღალი ტიტული მიაწეროს.
9. დრაკონი და სამურაი
იაპონელებისთვის სვირინგი დღემდე იაკუძას მთავარ სიმბოლოდ რჩება, ამიტომ კანის მელნით აჭრელება მიღებული არ არის. ტატუს მქონე ადამიანებს იაპონიაში საერთო აბანოშიც კი არ უშვებენ, რაც ტურისტებს სერიოზულ პრობლემებს უქმნის.