სანამ მეგობარი იპოვიდა, ჯინმა 22-გრადუსიან ყინვაში 6 საათი გაატარა. გოგონა სასწრაფოდ საავადმყოფოში გადაიყვანეს, თუმცა ის სიცოცხლის არავითარ ნიშანწყალს აღარ ამჟღავნებდა - სხეულის ტემპერატურა არ იზომებოდა და სხეული იმდენად გაყინული იყო, რომ ექიმმა ნემსის გაკეთება ვერ მოახერხა.
ექიმებმა ჩათვალეს, რომ გოგონა გარდაიცვალა, თუმცა გადარჩენის შემთხვევაშიც კი დარწმუნებულები იყვნენ, რომ მისი მოყინული კიდურების ამპუტირება მოუწევდათ. ის იყო, სხეული პროზექტურაში უნდა გადაეტანათ, რომ დაუჯერებელი რამ მოხდა - ჯინის სხეულმა ნელ-ნელა დნობა დაიწყო. რაღაც დროის შემდეგ, გოგონა ოდნავ გაინძრა, თვალები გაახილა და წყალი ითხოვა.
3 დღის შემდეგ ჯინმა ფეხების ამოძრავება შეეძლო, 6 კვირის შემდეგ კი საავადმყოფოდან სრულიად ჯანმრთელი გაეწერა. მედიკოსებს ამ შემთხვევის ახსნა დღემდე უჭირთ, თუმცა ამბობენ, რომ მსგავსი შემთხვევები ზამთრის ძილის მოყვარულ ცხოველებში დაფიქსირებულა.
ეს ამბავი 1980 წელს მოხდა. მომხდარს მაშინ ერთადერთი ახსნა მოუძებნეს - გოგონას სხეული იმაზე სწრაფად გაიყინა, ვიდრე შინაგანი ორგანოების რღვევის პროცესი დაიწყებოდა. ალბათ, ჯინ ჰილარდს ძლიერი მფარველი ანგელოზი ჰყავს...