გამჭვირვალე დისპლეის შექმნა TOLED ტექნოლოგიების წყალობით გახდა შესაძლებელი, რომელიც გამჭვირვალე ორგანული ელემენტების გამოვლენის მიზნით წარმოებული გამოკვლევების შედეგად აღმოაჩინეს.
TOLED ტექნოლოგიებით შექმნილი გამჭვირვალე დისპლეიზე შესაძლებელია ინფორმაცია მხოლოდ ერთი მხრიდან კი არ მიიღოთ, როგორც ძველ ტელევიზორებშია, არამედ - ორივედან. ელექტროდებისა და ელემენტების გამჭვირვალე ორგანულ შენაერთებთან შერწყმამ ტელევიზორის შემქმნელებს საშუალება მისცა, 70%-იანი გამჭვირვალობისთვის მიეღწიათ.
2016 წლის სექტემბერში ნიუ-იორკში ჩატარებული ტექნოლოგიების გამოფენაზე კომპანია „Panasonic“-მა თავისი გამჭვირვალე ტელევიზორის დემონსტრირება მოახდინა, რომელიც პულტის გარეშე, ჟესტების ენით იმართება.
როგორც გაირკვა, გამჭვირვალე ტელევიზორების დამონტაჟება ნებისმიერ გამჭვირვალე ზედაპირზეა შესაძლებელი, იქნება ეს ცათამბჯენის ფანჯარა, მაღაზიის 
ვიტრინა თუ საზოგადოებრივი ტრანსპორტის მინა. მაღალკონტრასტული, ხარისხიანი გამოსახულების მქონე ტელევიზორებს, დიაგონალის ზომის თვალსაზრისით, არავითარი შეზღუდვა არ აქვს.
TOLED ტექნოლოგიები შთამბეჭდავი მახასიათებლების მქონე გიგანტური მოდელების შექმნის საშუალებას იძლევა.
აქედან გამომდინარე, ამ ტელევიზორის პერსპექტივა ადვილი წარმოსადგენია. ეჭვგარეშეა, რომ უხილავ ტელევიზორებზე უზარმაზარი მოთხოვნა გაჩნდება და ამ საოცრების საკუთარ სახლში ხილვა ნებისმიერ ოჯახს მოუნდება.
