ოფიციალური სტატისტიკით, მსოფლიოში ყველაზე ხანდაზმულები იაპონელები არიან. იაპონიაში 50 000 მხცოვანია, რომელთა ასაკი100 წელი და მეტია. ეს შედეგი, სიცოცხლის ხანგრძლივობის თვალსაზრისით, სხვა ქვეყნებთან შედარებით, რეკორდულია.
ოკინავაზე უხუცესები დაუჯერებლად ახალგაზრდულად გამოიყურებიან. მათ პრაქტიკულად არ იციან, რა არის სიმსივნე, გულ-სისხლძარღვთა დაავადებები და ინფარქტი.
ქუჩებში დაინახავთ 100 წელს გადაცილებულ ადამიანებს, რომლებიც მოტოციკლებით სეირნობენ, კარატეში ვარჯიშობენ, ცეკვავენ, ერთობიან, ბაღში მუშაობენ და, რა თქმა უნდა, არ აპირებენ პენსიაზე გასვლას.
თქვენ წარმოიდგინეთ, რომ ოკინავას 96 წლის მაცხოვრებელმა საიკიჩი უხარამ კრივის რინგზე იაპონიის 30 წლის ექსჩემპიონის დამარცხებაც კი შეძლო.
იაპონიაში ამბობენ, რომ ოკინაველთა ხანდაზმულობას ადგილობრივი წყალი განაპირობებს, რომელიც დიდი რაოდენობით კალციუმის იონებს შეიცავს. თუმცა, მეცნიერების აზრით, ოკინაველების დღეგრძელობის მთავარი საიდუმლო სწორი კვება, ცხოვრებასთან სწორი დამოკიდებულება და ფიზიკური აქტივობაა.
