ამ დროისთვის ინდურ სოფელ ბაკტვანში მცხოვრები ოჯახი 181 წევრისგან შედგება, თუმცა ოჯახის წევრთა რაოდენობა ყოველწლიურად მატულობს.
ოჯახის უფროსს, 67 წლის ზიონა ჩანას 39 ცოლი, 94 შვილი, 33 შვილიშვილი და 14 სარძლო ჰყავს.
ოჯახი 4-სართულიან სახლში ცხოვრობს, რომელიც 100 ოთახისგან შედგება.
ამასთანავე, ცალკე ოთახი მხოლოდ ოჯახის უფროსს აქვს. დანარჩენები კი უზარმაზარ ოთახებში ჯგუფურად ცხოვრობენ.
სახლის მიმდებარე ტერიტორიაზე განთავსებულია ოჯახური სკოლა, სახელოსნოები, პირუტყვის ფერმა, ბოსტანი და ბრინჯის მინდვრები.
ზიონა ჩანა ამაყობს, რომ სახელმწიფოსგან არავითარ დახმარებას არ იღებს და საკუთარ ოჯახს ყველა საჭირო პროდუქტითა და ნივთით თავად უზრუნველყოფს. მამაკაცები დურგლებად მუშაობენ, ქალები კი საოჯახო მეურნეობით არიან დაკავებული.
ასე რომ, მრავალრიცხოვან ოჯახს არც საკვები აკლია და არც ფული.