საინტერესოა, რომ ისეთი მნიშვნელოვანი ორგანოს დაზიანების დროსაც კი, როგორიც გულია, ტრიტონი წარმოუდგენელი სისწრაფით ახდენს უჯრედების აღდგენას და გულის „გადაპროგრამებას“.
ზემოხსენებულ პროცესებზე დაკვირვებით მეცნიერებმა გამოკვლევები ჩაატარეს: მათ აიღეს სხვადასხვა სახეობის ტრიტონის ჩამოყალიბებული ემბრიონი. თითოეული მათგანი შუაზე გაჭრეს და მეორე სახეობის ემბრიონთან შეაერთეს.
ექსპერიმენტმა გასაოცარი შედეგი გამოიღო: რამდენიმე საათის შემდეგ, ნაწიბურები შეხორცდა და ემბრიონებმა ზრდა გააგრძელეს. თუმცა ამ „ფრანკენშტეინებს“ შეხორცების ადგილზე დამატებითი კიდურები გამოეზარდათ.
ამჟამად მეცნიერები აქტიურად იკვლევენ ტრიტონების ფენომენს, რათა იმ ადამიანებისთვის, ვისაც გული და სხვა ორგანოების აქვთ დაზიანებული, ახალი უჯრედული თერაპია შექმნან.
შესაძლოა თუ არა, ამფიბიის მსგავსად, ადამიანმა შეძლოს დაზიანებული გულის „გადაპროგრამება“?
იცით თუ არა...
ამფიბიების უმრავლესობას რეგენერაციის საოცარი უნარი აქვს. საფრთხის შემთხვევაში, მათ შეუძლიათ, მსხვერპლად კუდი ან კიდურები გაიღონ. ტრიტონები ხშირად თვალებსა და შინაგან ორგანოებსაც კი ელევიან, შემდეგ კი მათ მშვიდად აღიდგენენ. ამ პროცესებზე დაკვირვებით მეცნიერებმა გამოკვლევები ჩაატარეს...
© ყველა უფლება დაცულია MELON
