1. სავარაუდოდ, ღამენათევი და ემოციებით დაღლილი ხართ. მთელი დღე რომ დაღლილობის შეგრძნებამ არ გაგაწვალოთ, გირჩევთ, კარგად გამოიძინოთ. სახლის საქმეებსა და ჭურჭლის დარეცხვას კიდევ მოასწრებთ.
2. როგორც კი გაიღვიძებთ, საჩუქრები დაათვალიერეთ. მერე რა, თუ გაიზარდეთ და თოვლის ბაბუას არსებობის აღარ გჯერათ, საჩუქრის მიღება ყველა ასაკში სასიამოვნოა და ეს შეგრძნება ძალიან დიდხანს გაგყვებათ. იმედია, არც თქვენ დაგვიწყებიათ ოჯახის წევრებისა და მეგობრებისთვის საჩუქრის გაკეთება.
3. დაივიწყეთ ზედმეტი კილოგრამები და კალორიები. დიეტის დაცვას კიდევ მოასწრებთ. გამოაღეთ მაცივარი და მიირთვით ყველაფერი, რაც და რამდენიც გაგიხარდებათ.
4.1-ელ იანვარს აუცილებლად წადით სტუმრად ან მიიღეთ სტუმრები. უკეთესი იქნება, თუ ორივეს მოახერხებთ, რადგან სტუმრიანობის გარეშე ახალი წელი წარმოუდგენელია.
5. ამიტომ, 1-ელ იანვარსვე დაგეგმეთ, როდის და რის გაკეთებას აპირებთ და სწორად შეარჩიეთ პრიორიტეტები. ჩამოწერეთ 2017 წლის ყველაზე მთავარი 10 მიზანი. გაითვალისწინეთ, რომ რაც უფრო მკაფიოდ ჩამოაყალიბებთ ყველაფერს, მით უფრო მარტივი იქნება მიზნამდე მისასვლელი გზა.
6. ახალი წელი შანსს გვაძლევს, ჩვენი ცხოვრება უფრო უკეთესი და საინტერესო გავხადოთ. შევხედეთ საკუთარ თავს სხვაგვარად, დაემშვიდობეთ ბალასტს, რომელიც ხელს გიშლით განვითარებაში; აპატიეთ მათ, ვინც გასულ წელს გული გატკინათ და თქვენც მოუხადეთ ბოდიში დაშვებული შეცდომებისთვის, უხეშობისთვის, უყურადღებობისთვის.
ბედნიერ და წარმატებულ წელს გისურვებთ!