ცნობილია, რომ 57 წლის ასაკში ჰენრი ფორდმა საკუთარი ქონება 188,1 მილიარდ აშშ დოლარამდე გაზარდა, მაგრამ ბევრმა არ იცის, რომ მის ქარხანაში არსებობდა მუშების ბრიგადა, რომელსაც მილიარდერი ფულს უსაქმურობასა და დასვენებაში უხდიდა.
ეს იყო სარემონტო ბრიგადა, რომლის მოვალეობა ფორდის ცნობილი კონვეიერის უწყვეტი მუშაობის უზრუნველყოფა იყო.
ბრიგადის წევრებს ფულს იმ საათებისთვის უხდიდნენ, რომელსაც დასვენების ოთახში ატარებდნენ.
როგორც კი კონვეიერზე ავარია ხდებოდა, სარემონტო ბრიგადის მუშები დასვენების ოთახს ტოვებდნენ და კონვეიერის შეკეთებას იწყებდნენ. აი, სწორედ ამ დროს მათი სახელფასო მრიცხველი ჩერდებოდა.
სწორედ ამიტომ სარემონტო ბრიგადა მაქსიმალურად ცდილობდა, კონვეიერის რემონტი უმოკლეს დროში და ხარისხიანად ჩაეტარებინა.