ვირჯინიის შტატში რასობრივი დაყოფის კანონი მოქმედებდა, რამაც პენტაგონის არქიტექტორს, კაპიტან კლარენს რენშოუს უამრავი პრობლემა შეუქმნა: თავდაპირველად მას თეთრკანიანი და ფერადკანიანი მუშებისთვის სხვადასხვა სასადილოს აშენება მოუწია. ამის მიუხედავად, მუშებს შორის ხშირი იყო კონფლიქტი. ისინი ხაზავდნენ ზოლებს, რომელზეც განსხვავებული რასის წარმომადგენლებს გადაბიჯება არ შეეძლოთ.
როცა სამხედროებმა არქიტექტორს უთხრეს, რომ საპირფარეშოების რაოდენობა უნდა გაეორმაგებინა, ის ძალიან დაიბნა, თუმცა მითითება შეასრულა.
რენშოუს ემოციები გასაგები იყო - ჯერ კიდევ 1941 წელს პრეზიდენტმა რუზველტმა ხელი მოაწერა ბრძანებას, რომელიც სახელმწიფო მოხელეებს შორის დისკრიმინაციას კრძალავდა.
სამხედროებმა თავხედურად უარყვეს პრეზიდენტის ბრძანებულება და საპირფარეშოების გამოყოფა დაჟინებით მოითხოვეს, თუმცა წარწერების დამაგრება „მხოლოდ თეთრებისთვის“ ვერ მოახერხეს, რადგან 1942 წელს მშენებარე პენტაგონს რუზველტი, კომისიასთან ერთად, დაატყდა თავს და სამხედროებს თავისი ბრძანება შეახსენა.
1948 წლის შემდეგ, ამერიკაში ნებისმიერი სახის რასობრივი დაყოფა უკანონობად მიიჩნევა, თუმცა პენტაგონში საპირფარეშოების უზარმაზარი რაოდენობა დღემდე შემორჩა.
ასევე წაიკითხეთ:
რატომ უხდიდა მილიარდერი ჰენრი ფორდი მუშებს ფულს უსაქმურობაში?