Vehicle Assembly Building ცხელი და ნოტიო კლიმატით ცნობილ ფლორიდაში მდებარეობს და აშშ-ს აერონავტიკისა და კოსმოსური სივრცის კვლევის ეროვნულ სამმართველოს ეკუთვნის.
1968-დან 2011 წლამდე მას ამერიკული კოსმოსური აპარატების შესანახად იყენებდნენ. შენობის ზომები იმდენად დიდია, რომ მის შიგნით საკუთარი კლიმატი შეიქმნა.
ნაგებობის მოცულობა 3 664 883 კუბ. მეტრს შეადგენს. სიმაღლე 160 მეტრია, სიგრძე - 218 მ, სიგანე - 158 მ. შენობას მიწის 8 ჰექტარი უკავია.
მიუხედავად იმისა, რომ შენობაში დამონტაჟებულია ნესტის შესამცირებელი სისტემა, „სახლში შექმნილ ამინდთან“ გამკლავება მასაც კი უჭირს - წლის განსაკუთრებით ცხელ პერიოდში შენობაში წარმოიქმნება ღრუბელი, საიდანაც ზოგჯერ წვიმაც მოდის.