10 რომანტიკული კომედია, რომლებსაც კაცები ჩუმ-ჩუმად უყურებენ

კინო

23 იანვარი 18:00

თუ აქამდე ვერ დაითანხმეთ საყვარელი მამაკაცი რომანტიკული კომედიის ერთად ყურებაზე, შესთავაზეთ ამ ჩამონათვალიდან ერთ-ერთი და... უარს ვერ გეტყვით.

1. „შიშველი ჯულიეტა“, 2018



ენმა ბოლო თხუთმეტი წელი მოსაწყენ დუნკანთან რომანს შეალია, რომელსაც მუსიკოსთა ძველი სკოლის წარმომადგენელი როკ-შემსრულებელი ტაკერ კროუ უფრო მეტად უყვარს, ვიდრე თავისი შეყვარებული. მოულოდნელად, 20-წლიანი დუმილის შემდეგ კროუ თავისი ახალი ალბომის „შიშველი ჯულიეტას“ პრეზენტაციას მოაწყობს. შეყვარებულის გასაბრაზებლად ენი თავის კომენტარში ტაკერის მუსიკას გააკრიტიკებს. მუსიკოსი კი მოულოდნელად უპასუხებს. ასე იწყება ენის უცნაური რომანი „საძულველ“ როკერთან.


2. „როგორ მოვიშოროთ თაყვანისმცემელი 10 დღეში“, 2003



ერთ ჩვეულებრივ საღამოს ჩვეულებრივ რესტორანში იდება ორი სრულიად არაჩვეულებრივი ნაძლევი - ენდიმ, გონებამახვილმა და მომხიბვლელმა ჟურნალისტმა, უნდა გაიცნოს და ჭკუა დააკარგვინოს ბიჭს, შემდეგ კი დაწეროს სტატია „როგორ მოვიშოროთ თაყვანისმცემელი 10 დღეში“. ბენჯამენმა კი, ახალგაზრდა და სიმპათიურმა სარეკლამო აგენტმა, ამავე ვადაში თავი უნდა შეაყვაროს გოგონას. და როგორ გაუმართლა ამ ორს - შეხვედროდნენ საჭირო დროს, საჭირო ადგილას და გაეცნოთ „საჭირო“ ადამიანი.


3. „რა მოხდება, თუ“, 2013



წარმოიდგინეთ: მეგობრის წვეულებაზე შეხვდით თქვენი ოცნების გოგონას. ჭკვიანმა, განათლებულმა, იუმორის გრძნობით დაჯილდოებულმა პირველივე შეხედვით მოგნუსხათ. და აი, მთელი ღამე მასთან საუბარში გაატარეთ, სახლამდე მიაცილეთ და იგებთ, რომ ის... დანიშნულია. და რა უნდა ქნათ ახლა? ისღა დაგრჩენიათ, მეგობრებად დარჩეთ. მეგობრებად, რომლებსაც უსიტყვოდ ესმით ერთმანეთის, ეჭვიანობენ ერთმანეთზე და არაფრით არ შეუძლიათ, იყვნენ ერთად.


4. „სკოტ პილიგრიმი ყველას წინააღმდეგ“, 2010



ვიდეოთამაშების მოყვარულმა და ნამდვილმა როკ-ვარსკვლავმა სკოტ პილიგრიმმა თავისი ოცნების გოგო იპოვა. ის იდეალურია! - ლამაზი, მახვილგონიერი და მაგარი! თუმცა რომანა სრულიად ინდიფერენტულია სკოტის მიმართ. უბრალოდ, სკოტმა არ იცის, რომ საოცნებო გოგოსკენ მიმავალი გზა გადის არა კუჭზე, არამედ კომპლიმენტებსა და ძვირფას საჩუქრებზე. გოგონას მოსაპოვებლად სკოტს მოუწევს, მის შვიდ ყოფილ შეყვარებულზე გაიმარჯვოს. სხვანაირად არაფერი გამოვა!


5. „რუბი სპარსკი“, 2012



ახალგაზრდა, მაგრამ უკვე სახელმოხვეჭილ მწერალს შემოქმედებითი კრიზისი აქვს. ვერც ახალ რომანს წერს და არც გოგოებთან ურთიერთობაში გამოსდის რამე. ერთხელაც თავში გენიალური აზრი მოუვა: გამოიგონოს იდეალური გოგონა - რუბი სპარსკი და დაწეროს მასზე რომანი. მწერლის სიყვარული პერსონაჟისადმი იმდენად ძლიერია, რომ ერთ მშვენიერ დღესაც ზუსტად ასეთ გოგონას საკუთარი სახლის დივანზე აღმოაჩენს. და რა უნდა ქნას ახლა?


6. „სიყვარულის დრო“, 2013



ერთ მშვენიერ მზიან დილას ტიმი ოჯახურ საიდუმლოს გაიგებს: თურმე მისი ოჯახის მამაკაცები დროში მოგზაურობენ. ახლა ტიმს ყველაფერი შეუძლია: გამოასწოროს ცუდი ნიშანი, „სწორად“ გაიცნოს სასურველი გოგონა და დაეხმაროს მეგობარს გაჭირვებაში. მაგრამ მას წარმოდგენაც კი არ აქვს, რა შედეგები შეიძლება მოიტანოს ერთი შეხედვით უვნებელმა დროში მოგზაურობამ.


7. „სიყვარული ზომების გარეშე“, 2016



წარმატებული და ლამაზი დიანა ბრმა პაემანზე მიდის: ხმის ტემბრისა და მანერების გათვალისწინებით, მისი თაყვანისმცემელი უზომოდ მომხიბვლელი, ქარიზმატული, ნაკითხი, თავაზიანი და რა თქმა უნდა, წარმოუდგენლად სიმპათიური უნდა იყოს. დათქმულ კაფესთან მისული ის დარწმუნდება, რომ მართალი იყო. ოღონდ ეგაა, მას კავალერის ზომებზე არ უფიქრია...


8. „ეს ამბავი ძალიან სახალისოა“, 2010



16 წლის მოზარდს გარდატეხის პერიოდი აქვს და მისთვის ძნელი ასახსნელია, რა ხდება მის თავში, განსაკუთრებით მაშინ, როცა წინ „ცხოვრების საუკეთესო წლები“ აქვს. კრეიგი პრობლემებმა ისე დაღალა, რომ თვითმკვლელობაზე ფიქრობს. საბედნიეროდ, დახმარებისთვის ახალგაზრდა ექიმს მიმართავს, ის კი, ისე რომ დეტალებს არ უღრმავდება, პირდაპირ „განსაკუთრებული“ პაციენტების განყოფილებაში აგზავნის. მორალი: იმისთვის, რომ ისწავლო, როგორ დატკბე ყოველი დღით, ზოგჯერ საკუთარ ცხოვრებას სხვა ადამიანთა თვალით უნდა შეხედო.


9. „გახდი ჩემი შეყვარებული ხუთი წუთით“, 2008



ნიკი - სრულიად პროფანი ურთიერთობებში. ყოფილმა გოგონამ ტრისმა, თითქოს საკმარისი არ იყო, რომ ბოიფრენდსა და მის რომანტიკულ ჟესტებს არ აფასებდა, შეყვარებული დაბადების დღეზე მიატოვა. ბინაში გატარებული უამრავი საათის შემდეგ ნიკი გადაწყვეტს, სახლიდან გამოვიდეს და „გონება გაანიავოს“. და აი, მისმა გეი მეგობრებმა, საყვარელმა როკ-ჯგუფმა და შემთხვევით გაცნობილმა მომხიბვლელმა გოგონამ ეს დღე დაუვიწყრად უქციეს.


10. „ჰიტჩის მეთოდი“, 2005



პრობლემა გაქვთ ქალბატონებთან ურთიერთობაში? ალექს ჰიტჩენსი, იგივე „ჰიტჩი“, დასახმარებლად მოისწრაფვის! კარგ ჰონორარად ის ნებისმიერს ასწავლის, როგორ დაახვიოს თავბრუ სასურველ გოგონას. ჰიტჩენსი ყველაზე უიმედო შემთხვევებსაც კი ჰკიდებს ხელს. მაგალითად, ერთმანეთთან დააახლოოს მოუხერხებელი ბუღალტერი და გლამურული ქალბატონი. თუმცა, მიუხედავად მისი გამოცდილებისა და პროფესიონალიზმისა, ალექსიც უბრალო მოკვდავია, რომელსაც შეიძლება შეუყვარდეს, „თავი დაკარგოს“ და სამუშაოზეც ყველაფერი გააფუჭოს.

იცით თუ არა...

რას ნიშნავს ასო „V“ თქვენს ხელისგულზე?!

ხელისგულზე დააკვირდით გულის ხაზს. იგი იწყება ნეკა თთის ძირიდან, მიუყვება მთელს ხელისგულს და მთავრდება შუა და საჩვენებელ თითებს შორის. თუკი ეს ხაზი შუა ნაწილიდან ორად იყოფა, ესე იგი, თქვენ ნანატრი „V“ ასოს ბედნიერი მფლობელი ხართ!
ამბები

ადამიანის ხუთი გრძნობა ცხოვრების ხელოვნების აღმოსაჩენად

წლევანდელი TEDxTbilisi-ის მთავარი თემა „ცხოვრების ხელოვნებაა“.
კულინარია

საახალწლო ლაბა ქათმის ხორცით - ძალიან გემრიელი და ნოყიერი

ქათმის ლაბას ძალიან ადვილად მოამზადებთ, თანაც საახალწლო სუფრასაც უდავოდ დაგიმშვენებთ.
დღის ჰოროსკოპი

5 დეკემბრის ასტროლოგიური პროგნოზი

რას გვირჩევენ ვარსკვლავები 5 დეკემბრისთვის ჯანმრთელობის, ბიზნესისა და სიყვარულის მიმართულებით?
ამბები

გიორგის სიცოცხლისთვის!

პატარა გიორგის საზოგადოების დახმარება სჭირდება!
ამბები

„ვისოლ ჯგუფმა“ სტუდენტური დასაქმების ფორუმი გამართა  

„ვისოლ ჯგუფმა“ „ფაბრიკაში“ სტუდენტებისთვის დასაქმების ფორუმი გამართა. 
ამბები

„ჯიპიაი ჰოლდინგი“ ჰოსპიტალური ბიზნესიდან გადის

„ჯიპიაი ჰოლდინგი“, ევროპელი აქციონერების გადაწყვეტილებით, სადაზღვევო ბიზნესსა და მასთან დაკავშირებულ საქმიანობაზე მოახდენს ფოკუსირებას. შვილობილი „ჯეო ჰოსპიტალსის“ კლინიკების ქსელი შპს „ქართულ ჰოსპიტალთა ჯგუფმა“ შეიძინა.
დღის ჰოროსკოპი

4 დეკემბრის ასტროლოგიური პროგნოზი

რას გვირჩევენ ვარსკვლავები 4 დეკემბრისთვის ჯანმრთელობის, ბიზნესისა და სიყვარულის მიმართულებით?
იცით თუ არა...

1992 წლის 3 დეკემბერს მსოფლიოში პირველი SMS გაიგზავნა!

მართალია, გამოგონებათა უმრავლესობა, რომლებმაც სამყარო შეცვალა, აშშ-ში შეიქმნა, თუმცა sms - Short Message Service სრულად ევროპული მიღწევაა... 
თემატური ჰოროსკოპი

რას მოასწავებს 2020 წლის სიმბოლო - თეთრი მეტალის ვირთხა?

2020 წელი, აღმოსავლური კალენდრის მიხედვით, ვირთხის წელიწადია. ჩინური ჰოროსკოპის კალენდარში ვირთხა პირველია 12 ცხოველს შორის, რომლებიც ერთმანეთს გარკვეული თანმიმდევრობით ცვლიან. 
დღის ჰოროსკოპი

3 დეკემბრის ასტროლოგიური პროგნოზი

რას გვირჩევენ ვარსკვლავები 3 დეკემბრისთვის ჯანმრთელობის, ბიზნესისა და სიყვარულის მიმართულებით?
საკნატუნო ამბები

ქალებისთვის მიუწვდომელი 12 უსიმპათიურესი მამაკაცი

მათ თავიანთი არატრადიციული ორიენტაციის შესახებ განაცხადეს...