„ოსკარი“ „საუკეთესო სპეცეფექტებისთვის“, რომელსაც წარსულში „საინჟინრო ჯილდო ეფექტებისთვის“ ერქვა, პირველად 1928 წელს გადაეცა მუნჯურ ფილმს „ფრთები“. ფილმში იმ პერიოდისთვის ძალიან მძლავრად იყო ნაჩვენები პირველი მსოფლიო ომის საჰაერო ბრძოლები.
უკვე მომდევნო ცერემონიაზე ამ ნომინაციას სახელი გადაარქვეს და „ჯილდო საუკეთესო სპეცეფექტებისთვის“ უწოდეს, უფრო მოგვიანებით კი, 1963 წელს, კიდევ ერთხელ შეუცვალეს სახელი. მას შემდეგ ამ კატეგორიას ჩვენთვის კარგად ნაცნობი ტერმინი - „ჯილდო ვიზუალური ეფექტებისთვის“ ჰქვია.
ამ 12-წუთიან ვიდეორგოლში ერთადაა თავმოყრილი ამ ნომინაციაში გამარჯვებული ყველა ფილმი - 1928 წლიდან 2017 წლამდე. 2018 წელი კი წარმოდგენილია ყველა პრეტენდენტით. შეგახსენებთ, რომ გასულ წელს „ოსკარი“ ფილმს „ბლეიდ რანერი 2049“-ს ერგო.
