1. „დეტექტივი პიკაჩუ“
POKÉMON DETECTIVE PIKACHU
დეტექტიური ისტორია გამომძიებელ გარი გუდმანის დაკარგვის შესახებ ქალაქ რაილი სიტიში ვითარდება, სადაც ადამიანები პეკამონებთან ერთად ცხოვრობენ. გუდმანის ყოფილი მეწყვილე, მომხიბვლელი და ხალისიანი პიკაჩუ, დაკარგული დეტექტივის შვილს მამის მოძებნაში ეხმარება. აღმოჩნდება, რომ რაღაც სასწაულით ბიჭსა და პეკამონს ერთმანეთის ესმით. სამხილების მოგროვებისას მათ უამრავი თავგადასავალი გადახდებათ და გახსნიან შეთქმულებას ჯიბის მონსტრების სამყაროს განადგურების შესახებ.
2. „დამბო“
DUMBO
უბედური შემთხვევის გამო დედასთან დაშორებული დიდხორთუმა სპლიყვის დრამატული თავგადასავალი. 1941 წლის კლასიკური მულტფილმის „დამბოს“ რემეიქი. რეჟისორ ტიმონ ბორტონის ამ ლამაზ ფილმში მთავარ როლებს კოლინ ფარელი, მაიკლ კიტონი, დენი დევიტო და ევა გრინი ასრულებენ.
3. „პატარა მეფე და ზარმაცი რაინდები“
THE KID WHO WOULD BE KING
წარუმატებელი და სწავლაში ჩამორჩენილი 12 წლის არტური მიტოვებულ მშენებლობაზე რკინაბეტონის ნაჭერს პოულობს, რომელიც ლეგენდარული ხმალი - ესკალიბური აღმოჩნდება. ახლა მან უნდა შეაჩეროს ბოროტი ჯადოქარი მორგანი, რომელსაც სამყაროს განადგურება სურს. საბედნიეროდ, მას ბევრი მეგობარი და ჯადოქარი მერილინი ჰყავს, რომელიც უფროსკლასელის სახითაა სკოლაში შემოპარული. ეს ყველაზე და უარესი და საუკეთესოა, ყველაზე საშინელი და მაგარია, რაც კი ოდესმე თავს გადახდენიათ.
4. „იურიული პერიოდის შინაური ცხოველის თავგადასავალი“
THE ADVENTURES OF JURASSIC PET
ცნობისმოყვარე კრისი, რომელიც მუდმივად ღრუბლებში დაფრინავს და დაუჯერებელ თავგადასავლებზე ოცნებობს, შემთხვევით ხელში ჩაიგდებს უზარმაზარ კვერცხს, საიდანაც დინოზავრი გამოიჩეკება. კრისი თავის ახალ მეგობარს აინშტაინის პატივსაცემად ალბერტს ეძახის და ცდილობს, შინაური ცხოველის არსებობა საიდუმლოდ შეინახოს. მაგრამ ანგარებიანი მეცნიერი იოსტი დინოზავრის შესახებ გაიგებს და მას თავის ლაბორატორიაში წაიყვანს ცდების ჩასატარებლად...
5. „ძაღლის გზა სახლისკენ“
A DOG'S WAY HOME
შემთხვევითობისა და კანონის ნებით ბელა, ოდესღაც ქუჩის ძაღლი, ახლა კი მოსიყვარულე პატრონთან ერთად მცხოვრები, სახლიდან ძალიან შორს აღმოჩნდება. ის დროებითი საცხოვრებლიდან გარბის და ლამის ნახევარ ამერიკას გადაკვეთს. ეს არის ძალიან გრძელი გზა სახლისკენ.
ბონუსი: თუ თქვენი პატარა უკვე 16 წლისაა.
ალიტა: მეომარი ანგელოზი
ALITA: BATTLE ANGEL
2563 წელი, საშინელი ომის შემდეგ კაცობრიობა გონს მოდის. დოქტორი იდო რკინის ქალაქის ნაგავსაყრელს იკვლევს და იქ გოგონა-კიბორგის ნარჩენებს პოულობს, რომელსაც ადამიანის ტვინი აქვს. იდოს გოგონა თავის სახელოსნოში მიჰყავს და მის აღდგენაზე იწყებს მუშაობას. სამწუხაროდ, გოგონას მეხსიერება დაზიანებულია - მას აღარაფერი ახსოვს და სამყაროს ახლიდან შეიცნობს.