კაპუჩინოს ტორტი ნაღების კრემით

კულინარია

8 იანვარი 12:00
86

თუ ჯერ არ გიცდიათ სახლში კაპუჩინოს გამოცხობა, სწორედ ის დროა, საქმეს შეუდგეთ.

ბისკვიტისთვის:
ფქვილი - 90 გრ.
კარტოფილის ფქვილი (სახამებელი) – 3 ს/კ.
კაკაო - 8 ს/კ.
კვერცხი - 6 ცალი.
გამაფხვიერებელი -1,5 ჩ/კ.
კრემი:
მდნარი ნაღების ყველი - 200 გრ.
ყავა - 3 ს/კ.
შაქარი - 85 გრ.
35%-იანი ნაღები - 200 მლ.
ვანილი - დანის წვერით.
ჟელატინი - 15 გრ. (1 ს/კ)

დასანამი სიროფისთვის:
შავი ყავა - 70-100 მლ.

მინანქარსთვის:
შავი შოკოლადი -200 გრ.
35%-იანი ნაღები -100 მლ.
ვანილი
თეთრი შოკოლადი - მოსართავად.


მომზადების წესი:

მოქმედება 1:
კვერცხი და შაქარი კარგად ათქვიფეთ, სანამ მასა მოცულობაში ორჯერ არ გაიზრდება და გაფუმფულდება. დაუმატეთ გაცრილი ფქვილი, გამაფხვიერებელი, კაკაო და სახამებელი და ხის კოვზით ფრთხილად მოურიეთ.

მოქმედება 2:
ცომი გადაიტანეთ ფორმაში, რომელშიც ცხიმწასმული ქაღალდია ჩაფენილი და 175 გრადუსზე გაცხელებულ ღუმელში 35-40 წუთის განმავლობაში აცხვეთ.

მოქმედება 3:
გამომცხვარი ბისკვიტი გააგრილეთ და სამ ჰოტიზონტალურ ნაწილად გაჭერით.

მოქმედება 4:
ჟელატინი ანადუღარ, ცილ წყალში დაალბეთ. კარგად რომ აფუვდება, თბილ ყავაში გადაიტანეთ და ურიეთ, სანამ ყველა კრისტალი არ გადნება.
მდნარი ყველი ათქვიფეთ და თქვეფის შეუჩერებლად, ნელ-ნელა ჩაამატეთ ჟელატინიანი ყავა.
ბოლოს დაუმატეთ შაქარი და ვანილი.
ცალკე ჯამში ათქვიფეთ ნაღები და კრემს შეურიეთ.

მოქმედება 5:
ბისკვიტის ერთი ფენა ყავით დანამეთ. წაუსვით კრემი და წინასწარ ყავით დანამული მეორე ფენა დააფარეთ. შემდეგ მესამე ფენა და კრემი მთლიანად წაუსვით.

მოქმედება 6:
მინანქრის მოსამზადებლად ნაღები ადუღებამდე მიიყვანეთ. ცეცხლიდან გადმოდგით, წვრილ ნატეხებად დატეხილი შოკოლადი ჩაყარეთ და კარგად მოურიეთ. დაუმატეთ შაქარი, ყავა და კიდევ მოურიეთ.
გამზადებულ ტორტს მინანქარი გადაავლეთ და თავზე, გასაფორმებლად, თეთრი შოკოლადი მოახეხეთ.  მოათავსეთ ტორტი მაცივარში, სულ ცოტა, 4-5 საათით. 

გემრიელად მიირთვით!