ცომის შემადგენლობა:
მარგარინი „ონა“ - 250 გრ.
კვერცხი - 3 ცალი
შაქარი - 100 გრ.
ფქვილი - დაახლოებით, 400 გრ.
ზეთი - 100 გრ.
ვანილი - დანის წვერით.
მოხარშული კრემის შემადგენლობა:
რძე - 250 გრ.
კვერცხი - 3 ცალი
ფქვილი - 25 გრ.
შაქარი - 150 გრ.
კარაქი - 250 გრ.
ნაღების კრემი:
35%-იანი „პარლამატის“ ნაღები - 500 გრ.
შაქრის პუდრა -150 გრ.
ვანილი.
მომზადების წესი:
პირველი მოქმედება
ოთახის ტემპერატურაზე დარბილებული მარგარინი, კვერცხი და შაქარი ხელით აზილეთ.
დაუმატეთ ზეთი, ვანილი, ფქვილი და მოზილეთ საშუალო სისქის ცომი.
ცომი ხელზე არ უნდა გეკრობოდეთ.
გააკეთეთ ცომის ბურთულები და გადაიტანეთ კალათების ფორმებში. გაითვალისწინეთ, რომ ფორმებზე ცხიმის წასმა აუცილებელი არ არის, რადგან ცომს საკმარისი ცხიმი აქვს.
გამოაცხვეთ 200 გრადუსზე დაახლოებით 10 წუთის განმავლობაში.
მეორე მოქმედება
მოხარშული კრემის მოსამზადებლად ქვაბში ჩაასხით რძე, ჩაყარეთ 100 გრ. შაქარი და დაადგით გაზქურაზე.
სანამ რძე ადუღდება, კვერცხის ცილები კარგად ათქვიფეთ, დაუმატეთ დარჩენილი 50 გრ შაქარი, კვერცხის გულები და ვანილი.
ბოლოს ხის კოვზით შეათქვიფეთ ფქვილი და ეს მასა ადუღებულ რძეში გადაიტანეთ.
ხის კოვზით ურიეთ, სანამ კარგად არ შესქელდება.
ადუღებამდე მიიყვანეთ და ცეცხლიდან გადმოდგით.
ცალკე ათქვიფეთ კარაქი და ნელ-ნელა შეათქვიფეთ გაციებულ ფაფას.
მეოთხე მოქმედება
ათქვიფეთ ნაღები და კარგად რომ გასქელდება, დაუმატეთ შაქრის პუდრა.
მეხუთე მოქმედება
გამომცხვარი კალათების ფორმებში ჩადეთ, დაახლოებით, ნახევარი ჩაის კოვზი ხილის ჯემი. სასურველია, ჯემი მომჟავო არომატის იყოს.
თავზე დაადეთ მოხარშული კრემი და ბოლოს, ფორმებით დაასვით ნაღების კრემი.
გააფორმეთ თქვენი სურვილით და ფანტაზიით.
გემრიელად მიირთვით!