ჩეხეთში „კულაიდას“ რეგიონების მიხედვით სხვადასხვაგვარად ამზადებენ, მაგრამ რამდენიმე პირობა უცვლელია: „კულაიდა“ ყოველთვის სოკოთი (ნებისმიერი სახეობის) და კარტოფილით მზადდება; უნდა გამოვიდეს სქელი მასა, რისთვისაც ფქვილს უმატებენ; აუცილებელია ძირა და ახალი კამა.
„კულაიდას“ მოსამზადებლად საჭირო ინგრედიენტები:
სოკო - 150 გრ;
კარტოფილი - 3 ცალი;
ხახვი - 1 ცალი;
ზეთი - 20 მლ;
არაჟანი - 3 ს/კ;
პურის ფქვილი - 1 ს/კ;
ძმარი 1 ჩ/კ;
დაფნა - 2-3 ფოთოლი;
კვერცხი - 4 ცალი;
კამა - 30 გრ;
ოხრახუში - 30 გრ;
მარილი, პილპილი, ძირა და ძმარი - გემოვნებით.
„კულაიდას“ მომზადების წესი:
გარეცხეთ სოკო გამდინარე წყალში და დაჭერით საშუალო ზომებად;
გაარჩიეთ ხახვი და დაჭერით კუბიკებად;
გაასუფთავეთ კარტოფილი, დაჭერით კუბიკებად. ჩაყარეთ ქვაბში, დაასხით, დაახლოებით, 2 ლიტრი ადუღებული წყალი და შედგით საშუალო ცეცხლზე ასადუღებლად;
როგორც კი ქვაბი ათუხთუხდება, დაამატეთ მას დაფნის რამდენიმე ფოთოლი;
სანამ კარტოფილი იხარშება, ზეთმოსხმულ გაცხელებულ ტაფაზე გადაიტანეთ ხახვი, სოკო და საშუალო ცეცხლზე მოთუშეთ;
პატარა ზომის ფიალაში ჩაასხით არაჟანი, დაამატეთ 1 ს/კ პურის ფქვილი, 1/2 ჭიქა წყალი და კარგად მოურიეთ, რათა ერთმანეთში გაიხსნას;
როგორც კი შენიშნავთ, რომ კარტოფილი თითქმის მოიხარშა, ჩაყარეთ ქვაბში ხახვთან ერთად მოთუშული სოკო, ცეცხლს ოდნავ დაუკელით და ადუღეთ კიდევ 15 წუთი;
შემდეგ, ქვაბში ჩაასხით არაჟანი და მუდმივად ურიეთ, რათა წვნიანი არ დაიმარკვლოს;
ახლა კი მოამზადეთ კვერცხი.
თეფშზე გატეხეთ 1 კვერცხი და ფრთხილად გადაიტანეთ მდუღარე ბულიონში, ისე რომ კვერცხის გული არ დაიშალოს.
ასე გატეხეთ დარჩენილი 3 კვერცხი და ანალოგიური მეთოდით გადაიტანეთ ქვაბში. მოკლედ, კვერცხის ქვაბში სათითაოდ გადატანა აუცილებელი პირობაა;
დაამატეთ წვნიანს მარილი, პილპილი, ცოტაოდენი ძირა და 3%-იანი ძმარი, ბოლოს კი წვრილად დაჭრილი კამა და ოხრახუში და ცეცხლი გამორთეთ.
„კულაიდა“ მზად არის!
შენიშვნა:
1 ულუფა წვნიანისთვის საჭიროა 1 კვერცხი. მაგალითად, თუკი 4 ულუფა „კულაიდას“ ამზადებთ, შესაბამისად, 4 კვერცხი დაგჭირდებათ;
„კულაიდა“ 20 წუთში მზადდება!
გემრიელად მიირთვით!