„ქოხის“ კრემისთვის დაგჭირდებათ:
კვერცხი - 1 ცალი
შაქარი - 1 ჭიქა
რძე - ½ ჭიქა,
კარაქი - 200 გრ.
ხაჭო - 500 გრ.
კაკაო - გემოვნებით.
ფენებისთვის დაგჭირდებათ:
ოთხკუთხედი ფორმის, ფხვიერი ორცხობილა (პეჩენია) – 45 ცალი
ბანანი - 2 ცალი.
მინანქარი:
შაქარი - 3 ს/კ.
კაკაო - 2 ს/კ.
კარაქი - 50 გრ.
რძე - 3 ს/კ.
მომზადების წესი:
კვერცხი და შაქარი კარგად ათქვიფეთ, შეურიეთ რძე და დაბალ ცეცხლზე ადუღებამდე მიიყვანეთ.
კარგად რომ გასქელდება, გადმოდგით.
ცალკე ათქვიფეთ კარაქი და გაციებულ კრემს შეურიეთ. მანამდე თქვიფეთ, სანამ ერთგვაროვან მასას არ მიიღებთ. ამის შემდეგ დაამატეთ ხაჭო და კიდევ ათქვიფეთ.
კულინარიულ პარკზე ლამაზად დაალაგეთ ორცხობილების პირველი ფენა (სიგრძეში 5 ცალი და სიგანეში 3). კრემის 1/3 წაუსვით და ზედაპირზე თანაბრად გადაანაწილეთ.
დარჩენილი კრემი ორ ნაწილად გაყავით და ერთ ნაწილს კაკაო შეურიეთ.
კრემწასმულ ფენაზე ორცხობილების მეორე ფენა დაალაგეთ და კაკაოიანი კრემი გადაუსვით.
მესამე, საბოლოო ფენას ისევ თეთრი კრემი წაუსვით და შუა რიგის მთელ სიგრძეზე ბანანი გააყოლეთ.
შემდგომი მოქმედება ხელების სიმარჯვეს მოითხოვს, ამიტომ ფოტოებს კარგად დააკვირდით.
კულინარიული პარკის დახმარებით, ნამცხვარს ქოხის ან სახლის ფორმა უნდა მისცეთ. როგორც კი ამას მოახერხებთ, ნამცხვარი 4 საათით ან უკეთესია, მთელი ღამით მაცივარში შედგით. კრემი ორცხობილებს დაარბილებს და „ქოხი“ საოცრად ნაზი გამოვა.
ტორტი მაცივრიდან გამოიღეთ, პარკი შემოაცალეთ და მინანქარი გადაავლეთ.
მინანქრის მოსამზადებლად, შაქარი და კაკაო ერთმანეთში აურიეთ. დაუმატეთ მცენარეული ცხიმი, ცხელი რძე და ადუღებამდე მიიყვანეთ.
მზა მინანქარი„ქოხს“ გადავლეთ და თქვენი გემოვნებით მორთეთ.
გემრიელად მიირთვით!