საჭირო ინგრედიენტები:
სომხური ლავაში;
კარტოფილი - 3 ცალი;
ქამა სოკო - 0,5 კგ;
ხახვი - 2 თავი;
ზეთი - 50 მლ.
მომზადების წესი:
მოხარშეთ კანგაცლილი კარტოფილი და მოამზადეთ პიურე.
დაჭერით ხახვი წვრილად, მოთუშეთ ზეთში.
მოთუშული ხახვი გაყავით ორ ნაწილად. ერთი ნაწილი დაამატეთ კარტოფილის პიურეს და კარგად მოურიეთ;
მოთუშული ხახვის მეორე ნახევარს ტაფაშივე დაამატეთ წვრილად დაჭრილი ქამა სოკო და მოთუშეთ, სანამ ტაფაზე სითხე არ აორთქლდება;
შუაზე გაჭრილ სომხურ ლავაშზე მოათავსეთ კარტოფილის პიურე, ზემოდან დაადეთ ხახვში მოთუშული ქამა სოკო ისე, რომ ლავაშის კიდეებამდე არ მიხვიდეთ.
ლავაშის გვერდები გადაკეცეთ და გადაახვიეთ რულეტი. გადაიტანეთ ზეთმოსხმულ გაცხელებულ ტაფაზე და შეწვით ორივე მხრიდან.
სულ ეს არის.
შენიშვნა:
ლავაში კარტოფილისა და სოკოს შიგთავსით, მაქსიმუმ, 20 წუთში მზადდება;
გემრიელად მიირთვით!