სამარხვო ტოლმა - ჯანსაღი და ნოყიერი კერძი

კულინარია

9 მარტი 12:00
267

ამ კერძით მარხვის პერიოდში ორგანიზმს აუცილებელ ვიტამინებსაც მიაწვდით და გემრიელადაც დანაყრდებით.

სამარხვო ტოლმის მოსამზადებლად მოიმარაგეთ:
კომბოსტო - 1,5 კგ;
ბრინჯი - 400 გრ;
ბულგარული წიწაკა (მწვანე და წითელი) – 250 გრ;
ხახვი - 100 გრ;
სტაფილო - 150 გრ;
ნიორი - 1 კბილი;
ხმელი სუნელი - 2 ს/კ;
სოკო - 15 გრ;
ზეთი - 100 მლ;
ნიგოზი - 4 ს/კ;
კამა - ნახევარი კონა;
ტომატი - 2 ს/კ;
ბოსტნეულის ბულიონი - 500 მლ;
პომიდორი - 200 გრ;
მარილი - გემოვნებით.


მომზადების წესი:
დაარბილეთ კომბოსტოს ფურცლები - გააჩერეთ კომბოსტო ადუღებულ წყალში - 10 წუთით. ამოიღეთ, გაწურეთ და ფოთლებად დაშალეთ. შემდეგ კომბოსტოს მოაჭერით მაგარი მხარეები. თუკი კომბოსტო დიდია, შუაშიც გაჭერით.


შიგთავსის მომზადება:
სოკო გაარჩიეთ და დაასხით მდუღარე წყალი. 15 წუთის შემდეგ გადაწურეთ. ბულგარული წიწაკა დაჭერით ძალიან წვრილად.
დაჭერით ხახვი და ნიორი და ერთად მოთუშეთ ზეთში.
დაუმატეთ ბულგარული წიწაკა, ტომატ-პასტა და მსხვილად დაჭრილი ნიგოზი. აურიეთ ბრინჯში და მოშუშეთ 1-2 წუთის განმავლობაში.
შემდეგ დაასხით 50 მლ. წყალი. ჩაშუშეთ, სანამ მთელი სითხე არ ამოშრება. ბოლოს დაუმატეთ დაჭრილი კამა და დაელოდეთ გაციებას.


გაშალეთ კომბოსტოს ფოთლები. მათზე სათითაოდ მოათავსეთ შიგთავსი და გადაახვიეთ.
ქვაბში ტოლმის ნაჭრები მჭიდროდ ჩააწყვეთ. დაასხით ბოსტნეულის ბულიონი. ზემოდან დაალაგეთ დაჭრილი პომიდორი. ქვაბს მჭიდროდ დაახურეთ და შედგით საშუალო ცეცხლზე 40 წუთის განმავლობაში.
როგორც კი ბულიონი ადუღდება, თავსახური მოხადეთ და კიდევ 10-12 წუთით განაგრძეთ ხარშვა.


შენიშვნა:
სამარხვო ტოლმის მომზადებას 50 წუთი დასჭირდება;
სამარხვო ტოლმას, შეგიძლიათ, გემოვნებით შავი პილპილიც დაამატოთ.


გემრიელად მიირთვით!