სამარხვო კატლეტის მოსამზადებლად საჭიროა:
გოგრა - 1 კგ;
ხახვი - 2 ცალი;
კარტოფილი - 1 ცალი;
მწვანილები: კამა, ოხრახუში, მწვანე ხახვი, ბაზილიკი
მანანის ბურღული -1/2 ჭიქა;
წყალი - 1 ჭიქა;
ზეითუნის ზეთი - 3 ს/კ;
საფანელი - რამდენსაც მოითხოვს;
მარილი და პილპილი - გემოვნებით.
მომზადების წესი:
გახეხეთ გოგრის რბილობი წვრილ სახეხზე, მოათავსეთ ღრმა ტაფაში, დაამატეთ ზეითუნის ზეთი, წვრილად დაჭრილი ხახვი და გახეხილი უმი კარტოფილი.
შედგით საშუალო ცეცხლზე და მოთუშეთ 20 წუთის განმავლობაში.
მოთუშულ ბოსტნეულს მოაყარეთ მანანის ბურღული და საგულდაგულოდ აურიეთ.
განაგრძეთ მოთუშვა კიდევ 10 წუთით და გაზქურა გამორთეთ.
როგორც კი მოთუშული ბოსტნეული შეგრილდება, დაამატეთ მარილი, შავი პილპილი და წვრილად დაჭრილი მწვანილები.
კარგად გადაურიეთ, მიეცით კატლეტის ფორმა, ამოავლეთ საფანელში და შეწვით მცენარეულ ზეთში ორივე მხრიდან.
სამარხვო კატლეტისთვის შეგიძლიათ, სპეციალური სოუსიც მოამზადოთ:
პატარა ქვაბში ჩაასხით ზეითუნის ზეთი, დაამატეთ გახეხილი ნიორი, შედგით დაბალ ცეცხლზე და მოთუშეთ, სანამ ნიორი ოდნავ ფერს შეიცვლის - გამოგივათ ნივრიანი ზეთი. მოასხით სამარხვო კატლეტს და გემრიელად მიირთვით.
შენიშვნა:
მოთუშულ ბოსტნეულს სურვილისამებრ შეგიძლიათ, სუნელებიც მოაყაროთ;
სოუსის მომზადების დროს ნიორი ზეითუნის ზეთში კარგად უნდა გაიხსნას;
სამარხვო კატლეტების მოსამზადებლად ნახევარი საათი დაგჭირდებათ.
