„ხბოს ხორცის ტაფის“ მოსამზადებლად დაგჭირდებათ:
ხბოს ხორცი - 230 გრ;
ხახვი - 80 გრ;
წითელი ბულგარული - 80 გრ;
ჩილი - 50 გრ;
ქამა სოკო - 120 გრ;
წითელი ღვინო - 150 გრ;
ნიორი - 2 კბილი;
მარილი და თეთრი პილპილი - გემოვნებით.
მომზადების წესი:
ხბოს ხორცი გარეცხეთ და დაჭერით საშუალო ზომებად.
დადგით ტაფა გაზქურაზე, დაასხით ზეთი და როგორც კი კარგად გაცხელდება, დაჭრილი ხორცი ტაფაზე გადაიტანეთ და ორივე მხრიდან შეწვით.
პარალელურად, ცალკე ზეთიან ტაფაზე დაყარეთ კუბიკებად დაჭრილი ბულგარული წიწაკა. დაამატეთ წვრილად დაჭრილი ხახვი, დაჭყლეტილი ნიორი, სოკო და მოთუშეთ დაბალ ცეცხლზე.
10 წუთის შემდეგ მოთუშული ბოსტნეულის ტაფაში ჩააწყვეთ შემწვარი ხორცი, დაასხით წითელი ღვინო, დაამატეთ ჩილი, მარილი, თეთრი პილპილი, საგულდაგულოდ მოურიეთ და 2 წუთის შემდეგ გამორთეთ.
კერძი მზად არის.
შენიშვნა:
შეეცადეთ, ბოსტნეული ისე მოთუშოთ, რომ ძალიან არ დარბილდეს და ხრამუნა იყოს;
როდესაც ტაფაზე წითელ ღვინოს დაასხამთ, კერძს ცეცხლი გაუჩნდება, მაგრამ ნუ შეგეშინდებათ. ფრთხილად, ნელ-ნელა და ოდნავ შორიდან დაასხით;
„ხბოს ხორცის ტაფის“ მოსამზადებლად 20 წუთი საკმარისია.
გემრიელად მიირთვით!