პროდუქტი ტორტისთვის:
კვერცხი - 6 ცალი
ლიმონის წვენი - 1 ს/კ
ფინიკი - 200 გრ.
ნუში - 200 გრ.
ფორთოხალი - 2 ცალი
თაფლი - 8 ს/კ
სოდა - ნახ. ჩ/კ
კაკაო - 3 ს/კ
გამაფხვიერებელი - ნახ. ჩ/კ
შოკოლადი - 150 გრ.
ნაღები - 7 ს/კ
კარაქი - 50 გრ.
მომზადების წესი:
1. ფინიკი 5 წუთის განმავლობაში ხარშეთ, შემდეგ კი ბლენდერში დააქუცმაცეთ.
2. კვერცხების ცილა და გული გააცალკევეთ. გულებს 4,5 ს/კ თაფლი დაუმატეთ და მიქსერით ათქვიფეთ, სანამ მოცულობაში კარგად არ მოიმატებს. დაუმატეთ კაკაო, კარგად მოურიეთ და დაუმატეთ ფინიკი, გატარებული ნუში, სოდა, გამაფხვიერებელი, ლიმონის წვენი, 1 ცალი ფორთოხლის ცედრა და კარგად მოურიეთ.
3. კვერცხის ცილა, ლიმონის წვენთან ერთად, კარგად ათქვიფეთ, სანამ მყარი, ღრუბლისებრი მასა არ წარმოიქმნება.
4. ცილის 1/3 დაუმატეთ ფინიკიან ცომს და მოურიეთ, სანამ ერთგვაროვან მასას არ მიიღებთ. შემდეგ ფინიკიანი ცომი მთლიანად ათქვეფილ ცილაში გადაიტანეთ და სილიკონის მოსარევით ფრთხილად და ფაქიზად მოურიეთ. გაითვალისწინეთ, რომ ბეზეს სწრაფი მორევის შემთხვევაში, შეიძლება ტორტი „ჩავარდეს“.
5. ცომი ტორტის ფორმაში გადაიტანეთ და 180 გრ. გაცხელებულ ღუმელში 40-45 წუთის განმავლობაში აცხვეთ.
6. სანამ ტორტი ცხვება, სიროფი მოამზადეთ. ამისთვის ერთმანეთში შეურიეთ ერთი ფორთოხლის წვენი, 3,5 ს/კ თაფლი და 3-5 წუთის განმავლობაში დაბალ ცეცხლზე ადუღეთ.
7. მოამზადეთ შოკოლადის მინანქარი. ამისთვის ნაღები ძალიან დაბალ ცეცხლზე დაადგი, დაუმატეთ დატეხილი შავი ან რძის შოკოლადი და მოურიეთ. როცა შოკოლადი გადნება, წვრილად დაჭრილი კარაქი დაუმატეთ და ცეცხლზე კიდევ 3 წთ. დატოვეთ.
8. გამომცხვარი და გაგრილებული ტორტი ხის ჩხირით დაჩხვლიტეთ და ფორთოხლის სიროფი მოასხით, შემდეგ შოკოლადის მინანქარი გადაავლეთ და თქვენთვის სასურველი ხილით მორთეთ.
შენიშვნა:
10 პერსონაზე გათვლილი შოკოლადის ტორტი მხოლოდ 349 კალორიას შეიცავს. მის შემადგენლობაში, სულ რაღაც, 8 გრ. ცილა, 25 გრ.ცხიმი და 18 გრ. ნახშირწყლები შედის. ტორტში შემავალი ფინიკი ქოლესტერინის დონეს ამცირებს, კაკაო კი მაგნიუმს შეიცავს, რომელიც გულის მუშაობას ეხმარება.