საჭირო პროდუქტი:
ყაბაყი - 1 ცალი მოზდრილი ან 2 ცალი პატარა;
პურის ფქვილი - 40-50 გრ;
კვერცხი - 1 ცალი;
ნიორი - 2-3 კბილი;
მარილი, პილპილი - გემოვნებით.
მომზადების წესი:
კარგად გარეცხილ ყაბაყს გააცალეთ კანი, გახეხეთ და დაამარილეთ. დატოვეთ რამდენიმე წუთით.
ათქვიფეთ კვერცხი ღრმა ჯამში, დაამატეთ ფქვილი, მარილი და დაჭყლეტილი ნიორი.
გახელილი ყაბაყი გაწურეთ და გადაიტანეთ კვერცხიან და ფქვილიან ჯამში. კარგად ამოურიეთ, ისე რომ საშუალო კონსისტენციის მასა მიიღოთ.
კარგად გაცხელებულ ტაფაზე დაასხით ზეთი და ჯამში მოთავსებული ოლადების მასალა ტაფაზე სუფრის კოვზით გადაიტანეთ. როგორც კი ერთ მხარეზე შეწითლდება, გადააბრუნეთ და ოლადების ცხობა განაგრძეთ.
ტაფიდან გადმოღების შემდეგ, ოლადებს ზედმეტი ცხიმი გადაუწურეთ და თეფშებზე ლამაზად მოათავსეთ.
შენიშვნა:
თუკი ოლადების მასა თხელი გამოგივიდათ, შეგიძლიათ პურის ფქვილით გაასქელოთ. გათვალისწინეთ, რომ ცომი არ უნდა ჩამოსრიალდეს სუფრის კოვზიდან.
ყაბაყი მსხვილ სახეხზე გახეხეთ, წინააღმდეგ შემთხვევაში ოლადები გემოს დაკარგავს. ნიორი აუცილებელია არომატისთვის, მის გარეშე დესერტს ბალახის გემო ექნება.
არომატისა და სიცხარისთვის შეგიძლიათ დაჭყლეტილი ნიორი ცხელ ოლადებს ზემოდანაც გადაუსვათ.
ასევე, ოლადებს შეგიძლიათ მოაყაროთ წვრილად დაჭრილი კამა. სოუსად კი არაჟანი გამოიყენოთ.