ბარდის წვნიანის მოსამზადებლად დაგჭირდებათ:
ბარდა - 1 ჭიქა;
კარტოფილი - 4-5 ცალი;
სტაფილო - 1 ცალი;
ხახვი - 1 ცალი;
შებოლილი ძეხვი - 150-180 გრ;
მცენარეული ზეთი - 2 ს/კ;
დაფნის ფოთოლი - 2 ცალი;
კამა - გემოვნებით;
მარილი, პილპილი - გემოვნებით.
მომზადების წესი:
ბარდა კარგად გარეცხეთ (გირჩევთ, წინასწარ 2 სთ. ჩაალბოთ ცივ წყალში, შემდეგ გადაწურავთ), დაასხით ცივი წყალი და დადგით მაღალ ცეცხლზე მოსახარშად.
როგორც კი წამოდუღდება, ქაფი მოხადეთ, ცეცხლს დაუწიეთ და განაგრძეთ ხარშვა. ბარდის მოხარშვას დასჭირდება 30-40 წუთი.
სანამ ბარდა იხარშება, გაფრცქვნილი კარტოფილი და შებოლილი ძეხვი პატარა კუბიკებად დაჭერით.
ცალკე ტაფაზე დაასხით ზეთი და დაბალ ცეცხლე მოთუშეთ ხახვი და გახეხილი სტაფილო.
როცა ბარდა მოიხარშება, ქვაბში ჩაყარეთ კარტოფილი და დაელოდეთ მის მოხარშვას.
როცა კარტოფილი მოიხარშება, ქვაბში ვამატებთ მოთუშულ ხახვს და სტაფილოს, დაჭრილ ძეხვს და სანელებლებს - დაფნის ფოთოლს, შავ პილპილს და მარილს.
ადუღებამდე მიიყვანეთ, შემდეგ ცეცხლს დაუწიეთ და კიდევ 10 წუთი ხარშეთ.
ბოლოს წვნიანს დააყარეთ კამა, ამოურიეთ და, დაახლოებით, 2 წუთში გაზქურა გამორთეთ.
გემრიელად მიირთვით!