კერძის სწრაფ მომზადებას ჩინურ სამზარეულოში სტირ-ფრაის უწოდებენ და მისი მთავარი პირობაა ცეცხლის მაღალი ტემპერატურა და კერძის მუდმივი მორევა, რა დროსაც ბოსტნეული სასარგებლო თვისებებს ინარჩუნებს.
ჩინურად ბადრიჯნის მოსამზადებლად საჭიროა:
ბადრიჯანი - 2 ცალი;
მცენარეული ზეთი - 3 ს/კ;
ნიორი - 2 კბილი;
წყალი - 100 მლ;
გახეხილი ჯინჯერი 1 ს/კ;
სეზამის ზეთი - 1 ს/კ;
ბრინჯის ძმარი - 1 ს/კ;
სიმინდის სახამებელი - 2 ჩ/კ;
ისპანახი (ცოცხლად ან დამარინადებული) – 150-200 გრ.
მომზადების წესი:
კარგად გარეცხილი ბადრიჯანი გაამშრალეთ და დაჭერით მრგვალად (1 სმ სისქეზე).
ცალკე ჯამში ჩაასხით წყალი, დაამატეთ სოიოს სოუსი, ჩილი, გახეხილი ჯინჯერი, სეზამის ზეთი, ბრინჯის ძმარი და სიმინდის სახამებელი.
გაცხელებულ ტაფაზე დაასხით მცენარეული ზეთი და მოთუშეთ დაჭყლეტილი ნიორი 10 წამის განმავლობაში.
როგორც კი ნივრის არომატს იგრძნობთ, დაამატეთ დაჭრილი ბადრიჯანი და განაგრძეთ მოთუშვა.
არ დაგავიწყდეთ მუდმივად მორევა.
დაახლოებით, 5 წუთის შემდეგ დაამატეთ ტაფაში ცალკე მომზადებული სოუსი და განაგრძეთ მოთუშვა სქელი კონსისტენციის მიღებამდე.
შემდეგ დაამატეთ დაჭრილი ისპანახი. კიდევ რამდენიმე წუთი გააჩერეთ მაღალ ცეცხლზე და გაზქურა გამორთეთ.
ჩინურად მომზადებული ბადრიჯანი განსაკუთრებით გემრიელია მოხარშულ ბრინჯთან ერთად.
შენიშვნა:
ბადრიჯანი შეგიძლიათ, შეწვათ როგორც გათლილი, ასევე გაუთლელი;
ამ კერძის მოსამზადებლად 20 წუთი დაგჭირდებათ;
სურვილისამებრ, შეგიძლიათ, წითელი ან მწვანე ბულგარული წიწაკა დაუმატოთ.
