გულიაშის მოსამზადებლად დაგჭირდებათ:
ღორის ნეკნები (შებოლილი) – 200 გრ;
ძროხის ხორცი (რბილი) – 250 გრ;
ხახვი - 1 დიდი თავი;
ნიორი - 3 კბილი;
კარტოფილი - 2 ცალი;
ტომატი - 1 ს/კ;
პომიდორი - 1 ცალი;
პაპრიკა - 4 ჩ/კ;
კარაქი - 3 ს/კ;
ძროხის ხორცის ბულიონი - 1,5 ლიტრი;
მარილი, პილპილი - გემოვნებით;
მომზადების წესი:
კარგად გააცხელეთ ღრმა ტაფა და საშუალო ზომებად დაჭრილი ღორის ხორცი შეწვით კარაქში. შემდეგ, დაამატეთ წვრილად დაჭრილი ხახვი და ხორცთან ერთად კარგად მოთუშეთ. როგორც კი ღორის ხორცი ოქროსფერს მიიღებს, მოასხით ტომატ-პასტა და კარგად გადაურიეთ. შემდეგ დაამატეთ პაპრიკა, დაახურეთ თავსახური და განაგრძეთ მოთუშვა კიდევ 5 წუთის განმავლობაში.
წვრილად დაჭრილი პომიდორი ჩაყარეთ მოზრდილ ქვაბში. დაამატეთ დაჭყლეტილი ნიორი, კარგად გარეცხილი და საშუალო ნაჭრებად დაჭრილი ძროხის ხორცი, მარილი და შავი პილპილი.
დაასხით ბულიონი და დადგით საშუალო ცეცხლზე.
როგორც კი შენიშნავთ, რომ ძროხის ხორცი თითქმის მოიხარშა, დაამატეთ კუბიკებად დაჭრილი კარტოფილი. დაახლოებით, 10 წუთის შემდეგ კი დაამატეთ წვრილად დაჭრილი კამა.
სულ ბოლოს ამ ქვაბში გადაიტანეთ ქვაბში მოთუშული ღორის ხორცი. როგორც კი კარტოფილიც მოიხარშება, გაზქურა გამორთეთ. კერძი მზადაა.
შენიშვნა:
გულიაშის მოსამზადებლად, დაახლოებით, 1 საათი დაგჭირდებათ.
გულიაშის სისქე თქვენს სურვილზეა დამოკიდებული. თუ გსურთ, თხელი კონსისტენციის მიიღოთ, მაშინ ოდნავ მეტი ბულიონი დაასხით.
თუკი ძროხის ხორცის ბულიონი არ გაქვთ, შეგიძლიათ, ბულიონის კუბიკები (ძროხის ხორცის) შეიძინოთ, გახსნათ ცხელ წყალში, ადუღოთ, გააციოთ და ცივი დაასხათ ქვაბში მოსახარშად გამზადებულ პროდუქტებს. ოღონდ გაითვალისწინეთ, რომ ძროხის ხორცის ბულიონით გულიაში გაცილებით გემრიელი გამოდის.