ტორტის მოსამზადებლად დაგჭირდებათ:
კაკაოს ფხვიერი ნამცხვარი - 300 გრ
ხაჭო - 360 გრ
არაჟანი - 300-400 გრ
შაქარი - 150-200 გრ
ჟელატინი - 20 გრ
შოკოლადი - 1 ფილა
მომზადების წესი:
1. ჟელატინი 50 გრ ანადუღარ, ცივ წყალში ჩაყარეთ და 40 წთ გააჩერეთ.
2. ხაჭო კარგად ასრისეთ. დაუმატეთ შაქარი და არაჟანი და მიქსერით ათქვიფეთ.
3. დამბალი ჟელატინი ორთქლის აბაზანაზე გაადნეთ, ხაჭოს მასას დაუმატეთ და მიქსერით კარგად ათქვიფეთ. უნდა მიიღოთ ერთგვაროვანი მასა.
4. კექსის ფორმაში ჩააფინეთ ფოლგის ქაღალდი. ძირში დაალაგეთ კაკაოს ფხვიერი ნამცხვარი და გადაუსვით ხაჭოსა და არაჟნის კრემი. გააგრძელეთ ნამცხვრისა და კრემის მონაცვლეობა, სანამ ორივე არ გათავდება.
5. ტორტი მაცივარში 4 საათით ან მთელი ღამით შედგით. შემდეგ ფორმა ამოატრიალეთ და ტორტი ლანგარზე გადმოიტანეთ. ბოლოს კი თავზე გამდნარი შოკოლადი მოასხით.
გემრიელად მიირთვით!
