ბისკვიტისთვის:
შაქარი - 250 გრ
ზეთი - 250 გრ
შავი შოკოლადი - 100 გრ
ფქვილი - 600 გრ
კაკაო - 5 ს/კ
გამაფხვიერებლები - 2 ჩ/კ
მარილი - ნახ. ჩ/კ
ლიმონის წვენი - 2 ს/კ
კრემისთვის:
შავი ჩაი (სასურველია ბერგამოტის) – 270 მლ
შავი შოკოლადი - 300
გარგარის ჯემი - გემოვნებით
ტორტის გასაფორმებლად:
გახეხილი შავი შოკოლადი
გარგარის ჯემი
მომზადების წესი:
1. შავი შოკოლადი დატეხეთ და ჯამში ჩაყარეთ. დაასხით თბილი რძე და კარგად მოურიეთ, რათა შოკოლადი გადნეს. დაამატეთ ზეთი, შაქარი, კაკაო, მარილი და გამაფხვიერებელი და ყველაფერი კარგად აურიეთ.
ბოლო ეტაპი ფქვილისა და ლიმონის წვენის დამატებაა.
მიღებული ცომის ნახევარი ცხიმწასმულ და ფქვილმოყრილ ფორმაში გადაიტანეთ და 180 გრადუსზე, 35-40 წუთის მანძილზე აცხვეთ. ბისკვიტის მზადყოფნა ხის ჩხირით შეამოწმეთ. იმავე მეთოდით გამოაცხვეთ ტორტის მეორე ფენაც და გააგრილეთ;
2. ცხელი ჩაი ჯამში ჩაასხით, წვრილად დატეხილი შოკოლადი დაუმატეთ და კარგად აურიეთ, რომ ერთგვაროვანი მასა მიიღოთ. აიღეთ მეორე, უფრო მოზრდილი ჯამი. ჩაასხით ყინულიანი წყალი და შოკოლადიანი ჯამი ჩადგით. ჩართეთ მიქსერი და კრემის ათქვეფას შეუდექით. თანდათან კრემი გასქელდება, ამიტომ ფრთხილად უნდა იყოთ, რომ ზედმეტი არ მოგივიდეთ. როგორც კი კრემი არაჟნის კონსისტენციის გახდება, მზადაა.
3. ტორტის ორივე ფენა სიგანეზე გაჭერით. თითოეულ ნაწილს გარგარის ჯემი და კრემის ნაწილი წაუსვით და ერთმანეთზე დაალაგეთ. ტორტს თავსა და გვერდებზე მხოლოდ შოკოლადის კრემი უნდა წაუსვათ.
4. ცოტაოდენი გარგარის ჯემი დააბლენდერეთ და ტორტს თავზე გადაუსვით. ტორტის კიდეები გახეხილი შოკოლადით გააფორმეთ და ცოტა ხნით მაცივარში შედგით.
გემრიელად მიირთვით!