„კაცური კაპრიზი“ - სწრაფად მოსამზადებელი უგემრიელესი სალათა

მოსამზადებლად დაგჭირდებათ (1 ულუფა):

ძროხის ხორცი - 80 გრ
ხახვი - 1 ცალი
მაგარი ყველი  - 50 გრ
კვერცხი - 1 ცალი
ძმარი - 1 ს/კ
შავი პილპილი - გემოვნებით
მაიონეზი - საჭიროების მიხედვით

მომზადების წესი:

მარილიან წყალში მოხარშული ძროხის ხორცი დაჭერით გრძლად;
მოხარშული კვერცხი გაარჩიეთ და გახეხეთ სახეხზე (გულიანად).

მრგვალად დაჭრილ ხახვს დაასხით ადუღებული წყალი და რამდენიმე წუთში გადაუწურეთ. შემდეგ დაასხით წყალში გახსნილი ძმარი (1:1) და გააჩერეთ, დაახლოებით, 10 წუთი და ძმარიც გადაწურეთ.

მაგარი ყველი გახეხეთ და მოემზადეთ სალათის გასაფორმებლად:

მოზრდილ თეფშზე გადაიტანეთ მოხარშული ხორცი, მოაყარეთ ცოტა შავი პილპილი, შემდეგ კვერცხი, ხახვი და ბოლოს მოასხით მაიონეზი.
სულ ეს არის!

შენიშვნა:

კაცურ სალათს მარილი არ სჭირდება, რადგან მის მოსამზადებლად ვიყენებთ ყველს და მარილის დამატების შემთხვევაში კერძი მლაშე გამოვა;

ამ სალათში შეგიძლიათ, გამოიყენოთ საქონლის ენა, სოკო, ღორის ხორცი, ქათმის ხორცი ან ლორი;

სალათს შეგიძლიათ, სურვილისამებრ, დაამატოთ კამა ან ოხრახუში, კიტრი და პომიდორიც, თუ, რა თქმა უნდა, თქვენი კაცი ძალიან მშიერი არ იქნება და არ შეგაწუხებთ შეკითხვით: მალე იქნება? 

გემრიელად მიირთვით!