ინგრედიენტები:
ყველი - 100 გრ
კივი - 2 ცალი
ნიგოზი - 50 გრ
ხახვი - ნახევარი
ოხრახუში - 1 კონა
სალათის ფურცელი - 1 შეკვრა
ვაშლის ძმარი - 5 ს/კ
შაქარი - 1 ს/კ
მარილი - 1 ჩ/კ
ზეითუნის ზეთი - 3 ს/კ
დიჟონის მდოგვი - 1 ჩ/კ
მომზადების წესი:
1. გაასუფთავეთ და დაჭერით ხახვი ალყა-ალყა და ჩაამარინადეთ ვაშლის ძმრის, მარილისა და შაქრის ნარევში.
2. მცირე ზომის კუბიკებად დაჭერით ყველი, გაასუფთავეთ და დაჭერით კივი. გაამშრალეთ და ხელით დაწიწკნეთ სალათის ფურცლები, დაჭერით ოხრახუში და ნიგოზი. ჩაყარეთ ყველაფერი სასალათეში ან მოათავსეთ გაშლილ ლანგარზე.
3. ზემოდან დასასხმელი მასის მოსამზადებლად, აურიეთ ერთმანეთში დიჟონის მდოგვი, ზეითუნის ზეთი და 1-2 კოვზი ხახვის მარინადი.
4. მიღებული მასა გადაასხით სალათას, მაგრამ არ აურიოთ, რათა ყველის კუბიკები მთელი დარჩეს.
გემრიელად მიირთვით!