ინგრედიენტები:
ბადრიჯანი - 1 კგ
ბულგარული წიწაკა - 2 ცალი
ნიორი - 5 კბილი
ზეითუნის ზეთი - 200 მლ
ძმარი - 1 ს/კ
ლიმონის წვენი - 4 ს/კ
ბროწეულის სოუსი - 0.5 ს/კ
კორიანდრი (კაკალი ქინძი) - 0.5 ს/კ
კუმინი (ძირა) – 0.5 ს/კ
ხმელი პიტნა - 0.5 ს/კ
წიწაკა ჩილი - ნახევარი
ტიმიანი (ბექონდარა) - 0.5 ს/კ
შავი პილპილი - 0.5 ჩ/კ
მარილი - 0.5 ს/კ
მომზადების წესი:
1. გარეცხეთ და გააშრეთ ბადრიჯანი, წაუსვით ზეითუნის ზეთი, ჟარონზე გადააფარეთ ფოლგა და დააწყვეთ ბადრიჯნები. აცხვეთ 200 გრადუსზე გაცხელებულ ღუმელში 20-25 წუთი. გაცივებულ ბადრიჯანს ამოაცალეთ თესლი.
2. მოამზადეთ შიგთავსი: დააბლენდერეთ ან ხორცსაკეპში გამოატარეთ ნიორი და მწარე წიწაკა. ჩანაყეთ ქვიჯაში კორიანდრი, კუმინი, ხმელი პიტნა, ტიმიანი, მარილი, შავი პილპილი, მოასხით ბროწეულის სოუსი და ნივრისა და მწარე წიწაკის პასტა.
3. თითოეული ბადრიჯანი ამოავსეთ შიგთავსით. ჩაალაგეთ ბადრიჯანი კონტეინერში ან სტერილიზებულ ქილაში, მოასხით ზემოდან ზეითუნის ზეთი და შედგით მაცივარში 5 საათით.
გემრიელად მიირთვით!