ინგრედიენტები:
კარტოფილი - 500 გრ
ქათმის ფრთები - 500 გრ
ხახვი - 1 ცალი
შავი ქლიავის ჩირი - 40 გრ
მზესუმზირის ზეთი - 1 ს/კ
ოხრახუში - 20 გრ
მარილი, შავი პილპილი - გემოვნებით
მომზადების წესი:
1. გულდასმით გაასუფთავეთ ახალი კარტოფილი, ისე რომ არ გათალოთ. დიდები გაჭერით შუაში. ქათმის ფრთები გარეცხეთ, ხელსახოცით გაამშრალეთ, სანელებლებში ამოსვარეთ და ცელოფანგადაფარებულ ჟარონზე დაალაგეთ.
2. კარტოფილი ფრთებს გარშემო შემოუწყვეთ. შავი ქლიავის ჩირიც ქაოსურად მოაყარეთ. შეგიძლიათ, შუაზეც გაჭრათ, რათ კერძს უფრო მდიდარი გემო მიეცეს. ხახვი გაასუფთავეთ, მსხვილად დაჭერით და ისიც ფრთების გარშემო შემოაწყვეთ.
3. მოასხურეთ ზეთი და მოაყარეთ მარილი. გადმოუკეცეთ ზემოდან ცელოფანი და რამდენიმე ადგილას ჩაჩხვლიტეთ კბილების ჩხირით. შედგით ჟარონი 200 გრადუსზე წინასწარ გახურებულ ღუმელში და აცხვეთ 45-50 წუთის განმავლობაში.
4. სრულად მომზადებამდე 15 წუთით ადრე მრგვალი ხვრელი გააკეთეთ ცელოფანში, რათა ქათმისა და კარტოფილის კანი დაიბრაწოს. ღუმელიდან გამოღების შემდეგ აცადეთ გაგრილება და ულუფებად გაანაწილეთ თეფშებზე. შეგიძლიათ დაჭრილი მწვანილი მოაყაროთ.
გემრიელად მიირთვით!